ஆஷா போஸ்லேவின் படைப்புகளில் திரைப்பட இசை, பாப், கஜல்கள், பஜன்கள், பாரம்பரிய இந்திய இசை, நாட்டுப்புற பாடல்கள், கவாலிஸ் ஆகியவை அடங்கும்.
20 வெவ்வேறு மொழிகளில் 11,000 பாடல்களுக்கு மேல் பதிவு செய்ததற்காக கின்னஸ் புத்தகத்தில் இடம்பிடித்துள்ள எவர்கிரீன் போஸ்லே, ஏறக்குறைய ஏழு தசாப்தங்களாக ஹிந்தித் திரைப்படங்களில் பின்னணிப் பாடலைப் பாடியவர்.
ஆஷா போஸ்லே பாடல்கள் நிறைய கேட்டு இருக்கிறேன். ஆனால் ஹே ராம் படத்தில் வரும் “நீ பார்த்த பார்வைக்கொரு நன்றி” பாடல் ஒவ்வொரு முறையும் கேட்கும் போது ஒரு வித நெகிழ்ச்சியை அளிக்கும்.
ராஜா சார் நம்மை இசை உலகில் மூழ்கடித்து, நம்மை நாமே மெய் மறந்து போய் இருப்போம். இரவு வேளையில் ஹெட்செட் போட்டு இந்த பாடலை அமைதியாக கேட்டால் மனதில் எவ்வித மன அழுத்தம், கவலை இருந்தாலும் பறந்து போய் விடும்.
ஹரிஹரன் அவர் குரலில் ஒரு பக்கம் நம்மை வசீகரிக்க, ஆஷா அவர்கள் நம்மை மெஸ்மரிசம் அடைய செய்ய, ராஜாவின் இசையில் நாம் மயங்கி விழுவது உறுதி.
இங்கிலாந்திலிருந்து சங்கர் 🎋
