தமிழக தேர்தல் களம் சூடு பிடிக்கத் தொடங்கியுள்ளது. அதிமுக இந்த முறை ஆட்சியை கைப்பற்ற அனைத்து வியூகங்களையும் வகுத்து வருகிறது. அதிலும் எடப்பாடியின் கணக்கு தனிக்கணக்காக உள்ளது.
சென்ற சட்டமன்ற தேர்தலில் அதிமுக 191 தொகுதிகளில் போட்டியிட்டு 66 இடங்களை மட்டுமே வென்றது.
அதிமுக தோல்வியுற்ற தொகுதிகளில் 38 தொகுதிகளை இந்த தேர்தலில் கூட்டணி கட்சிகளுக்கு ஒதுக்கியுள்ளது.
அதன்படி அதிமுக தோல்வியை தழுவிய பூந்தமல்லி, சைதாபேட்டை, மன்னார்குடி, பெரியகுளம், திருச்சி மேற்கு, நாங்குநேரி ஆகிய 6 தொகுதிகளை அமமுக-விற்கு ஒதுக்கியுள்ளது. மேலும் சென்ற தேர்தலில் பாஜக தோல்வி கண்ட திருவையாறு மற்றும் காரைக்குடி தொகுதிகளை அமமுகவிற்கு ஒதுக்கியுள்ளது
பாஜகவிற்கு ஆவடி, வேளச்சேரி, சாத்தூர், திருசெந்தூர், வேடசந்தூர், ராதாபுரம், பத்மநாபபுரம், ராசிபுரம், திருவாரூர், தஞ்சாவூர், கந்தர்வகோட்டை, புதுக்கோட்டை, அறந்தாங்கி, திருப்பத்தூர் (சிவகங்கை), மானாமதுரை, மதுரை தெற்கு, திருப்பூர் தெற்கு 17 ஆகிய தொகுதிகளையும்
இந்திய ஜனநாயக கட்சிக்கு பல்லாவரம், குன்னம் ஆகிய 2 தொகுதிகளையும் ஒதுக்கியுள்ளது
மேலும் பாமக கட்சிக்கு சென்ற தேர்தலில் அதிமுக தோல்வி கண்ட அம்பத்தூர், பெரம்பூர், உத்திரமேரூர், விக்கிரவாண்டி, ரிஷிவந்தியம், சேலம் வடக்கு, காட்டுமன்னார்கோயில் ஆகிய 7 தொகுதிகளை ஒதுக்கியுள்ளது
ஈரோடு மேற்கு, ராணிப்பேட்டை, கும்பகோணம், ஓட்டப்பிடாரம், கிள்ளியூர் ஆகிய 5 தொகுதிகள் தமாகா கட்சிக்கு ஒதுக்கப்பட்டுள்ளது
சென்ற முறை பாமக வென்ற 5 தொகுதிகளில் பென்னாகரம், சேலம் மேற்கு மற்றும் தர்மபுரி மீண்டும் அந்த கட்சிக்கே ஒதுக்கப்பட்டுள்ளது. பாமக வென்ற மயிலம், மேட்டூர் ஆகிய தொகுதிகள் இம்முறை பாமகவிற்கு ஒதுக்கப்படவில்லை.
சென்ற முறை பாமக தோல்வி கண்ட, திருப்போரூர், சோளிங்கர், செஞ்சி, ஜெயங்கொண்டம். விருத்தாசலம், மயிலாடுதுறை மற்றும் கீழ்வேளூர் மீண்டும் பாமகவிற்கு ஒதுக்கப்பட்டுள்ளது
பாஜக வென்ற 4 தொகுதிகளில் மொடக்குறிச்சி, நாகர்கோவில் ஆகியவை மீண்டும் ஒதுக்கப்பட்டுள்ளது. திருநெல்வேலி மற்றும் கோவை தெற்கு ஆகிய தொகுதிகள் இம்முறை பாஜகவிற்கு ஒதுக்கப்படவில்லை. சென்ற முறை பாஜக தோல்வி கண்ட தளி, திருவண்ணாமலை, உதகமண்டலம், ராமநாதபுரம், குளச்சல், விளவங்கோடு ஆகிய தொகுதிகள் மீண்டும் பாஜகவிற்கு ஒதுக்கப்பட்டுள்ளது
ஆனால் சென்ற தேர்தலில் அதிமுக வெற்றி பெற்ற போளூர் தொகுதியை பாமகவிற்கும், அவினாசி மற்றும் கோவை வடக்கு தொகுதிகளை பாஜகவிற்கும் மடத்துக்குளம் தொகுதியை அமமுக-விற்கும் ஒதுக்கியுள்ளது
தனது கட்சி வென்ற நான்கு தொகுதிகளை கூட்டணிக்கு ஒதுக்கிவிட்டு தோல்வி கண்ட 38 தொகுதிகளை கூட்டணி கட்சிகளிடம் தள்ளிவிட்டு தனது அரசியல் நிலைப்பாட்டை தெளிவாக தெரிவித்துள்ளார் எடப்பாடி
