திருவண்ணாமலை மாவட்டத்தில் உள்ள 12 வட்டங்களிலும் அந்தந்த வட்டாட்சியர் அலுவலகங்களில் 1435- ம் பசலி ஆண்டிற்கான ஜமாபந்தி (வருவாய்த் தீர்வாயம்) 16.06.2026 முதல் 30.06.2026 வரை (இடையில் வரும் சனி, ஞாயிறு மற்றும் திங்கட்கிழமைகள் நீங்கலாக) பின்வரும் அலுவலர்களால் நடத்தப்பட உள்ளது.
இது குறித்து திருவண்ணாமலை மாவட்ட ஆட்சியர் வந்தனா கார்க் வெளியிட்டுள்ள செய்தி குறிப்பில்,
போளூர் வட்டத்திற்கு வருவாய் தீர்வாய அலுவலராக திருவண்ணாமலை மாவட்ட ஆட்சியர் வருவாய் தீர்வாயம் நடைபெறும் நாளான 16.06.2026 -23.06.2026 வரையிலும்,
சேத்பட் வட்டத்திற்கு மாவட்ட வருவாய் அலுவலர், வருவாய் தீர்வாய அலுவலராகவும்,
செய்யார் வட்டத்திற்கு செய்யார் சார் ஆட்சியர், திருவண்ணாமலை வட்டத்திற்கு திருவண்ணாமலை வருவாய் கோட்ட அலுவலரும்,
கலசபாக்கம் வட்டத்திற்கு ஆரணி வருவாய் கோட்ட அலுவலரும், ஆரணி வட்டத்திற்கு மாவட்ட வழங்கல் (ம) நுகர்வோர் பாதுகாப்பு அலுவலரும்,
செங்கம் வட்டத்திற்கு மாவட்ட ஆட்சியரின் நேர்முக உதவியாளர் (தேர்தல்), தண்டராம்பட்டு வட்டத்திற்கு மாவட்ட ஆட்சியரின் கூடுதல் நேர்முக உதவியாளர் (நிலம்),
கீழ்பென்னாத்தூர் வட்டத்திற்கு தனித் துணை வட்டாட்சியர் (ச.பா.தி), ஜமுனாமரத்தூர் வட்டத்திற்கு திட்ட அலுவலர் (பழங்குடியினர் நலம்),
வந்தவாசி வட்டத்திற்கு மாவட்ட பிற்படுத்தப்பட்டோர் மற்றும் சிறுபான்மையினர் நலஅலுவலர், வெம்பாக்கம் வட்டத்திற்கு உதவி ஆணையர் (கலால்), ஆகியோர் தலைமையில் 16.06.2026 – 23.06.2026 ஆகிய நாட்களில் மேல்குறிப்பிட்டுள்ள வட்டங்களில் ஜமாபந்தி (வருவாய்த் தீர்வாயம்) நடைபெறவுள்ளது.
திருவண்ணாமலை மாவட்ட ஆட்சியர் அலுவலகத்தில் 22.06.2026 மற்றும் 29.06.2026 ஆகிய திங்கட்கிழமைகளில் மக்கள் குறை தீர்வு நாள் கூட்டம் வழக்கம்போல் நடைபெறும். மாவட்ட மற்றும் வட்ட அளவிலான விவசாயிகள் குறை தீர்வு நாள் கூட்டம், மாதந்தோறும் நடைபெறும் மனு நீதி நாள் கூட்டம் மற்றும் கோட்ட அளவில் நடைபெறும் மாற்று திறனாளிகளுக்கான குறை தீர்வு நாள் கூட்டம் ஆகியன நடைபெறாது என தெரிவிக்கப்படுகிறது.
மேலும் பொதுமக்கள் தங்களது குறை தொடர்பான மனுக்களை மேற்படி தினங்களில் தொடர்புடைய வட்டத்தில் ஜமாபந்தி நடத்தும் அலுவலர்களிடம் கொடுத்து பயன்பெறுமாறு தெரிவித்துள்ளார்.
