அதிகரித்து வரும் பயணிகளின் தேவையைப் பூர்த்தி செய்யும் வகையில், உ.பி.மாநிலம் கான்பூரில் இருந்து ஜோலார்பேட்டை, சேலம், நாமக்கல், கரூர், திண்டுக்கல் வழியாக மதுரை வரை வாராந்திர சிறப்பு ரயில்கள் இயக்கப்பட உள்ளன.
ரயில் எண் 01925 கான்பூர் சென்ட்ரல் – மதுரை வாராந்திர சிறப்பு ரயில், 2026 ஜூலை 1 முதல் 29 வரை (5 சேவைகள்), ஒவ்வொரு புதன்கிழமையும் கான்பூர் சென்ட்ரலில் இருந்து, காலை 8:10 மணிக்கு புறப்பட்டு, வெள்ளிக்கிழமை காலை 07.15 மணிக்கு மதுரை ஜங்ஷன் வந்தடையும்.
ரயில் எண் 01926 மதுரை சந்திப்பு – கான்பூர் சென்ட்ரல் வாராந்திர சிறப்பு ரயில், 2026 ஜூலை 4 முதல் ஆகஸ்ட் 1 வரை (5 சேவைகள்), ஒவ்வொரு சனிக்கிழமையும், மதுரை ஜங்ஷனில் இருந்து அதிகாலை 2:30 மணிக்கு புறப்பட்டு, திங்கட்கிழமை அதிகாலை 4:30 மணிக்கு கான்பூர் சென்ட்ரலை சென்றடைடையும்.
இந்த ரயில்கள் நிற்கும் ரயில் நிலையங்கள்: போக்ராயன், ஓரை, ஜான்சி, லலித்பூர், பீனா, போபால், இடார்சி, நாக்பூர், சந்திரபூர், பல்ஹார்ஷா, சிர்பூர் காகஸ்நகர், ராமகுண்டம், வாரங்கல், கம்மம், விஜயவாடா, தெனாலி, ஒங்கோல், நெல்லூர், கூடூர், ரேணிகுண்டா, காட்பாடி, ஜோலார்பேட்டை, சேலம், நாமக்கல், கரூர் மற்றும் திண்டுக்கல்.
சேலம் கோட்டத்திற்கு உட்பட்ட ரயில் நிலையங்களில் இந்த ரயில் வந்து செல்லும் நேர விபரம்: ரயில் எண் 01925 கான்பூர் சென்ட்ரல் – மதுரை சந்திப்பு வாராந்திர சிறப்பு ரயில்: (வியாழக்கிழமைகளில்) ஜோலார்பேட்டை 23:15 / 23:20 மணி. (வெள்ளிக்கிழமைகளில்) சேலம் 01:00 / 01:10 மணி. நாமக்கல் 01:50 / 01:52 மணி. கரூர் 02:30 / 02:32 மணி.
ரயில் எண் 01926 மதுரை ஜங்ஷன் – கான்பூர் சென்ட்ரல் வாராந்திர சிறப்பு ரயில்:
(சனிக்கிழமைகளில்) கரூர் 04:58 / 05.00 மணி. நாமக்கல் 05.30 / 05.32 மணி. சேலம் 06.30 / 06.40 மணி. ஜோலார்பேட்டை 09:20 / 09:40 மணி.
மேலே குறிப்பிடப்பட்ட வாராந்திர சிறப்பு ரயில்களுக்கான முன்பதிவு இன்று 27ம் தேதி காலை 8 மணிக்குத் தொடங்கும் என சேலம் ரயில்வே கோட்டம் அறிவித்துள்ளது.
