ரோட்டரி கிளப் ஆஃப் மதுரை எலைட்டின் 2026–2027ஆம் ஆண்டிற்கான பதவியேற்பு விழா மதுரையில் வெகுவிமர்சையாக நடைபெற்றது. விழாவில், மதுரை தவெக தெற்கு சட்டமன்ற உறுப்பினரும், ரோட்டரி மாவட்ட 3,000த்தின் உதவி மாவட்ட ஆளுநருமான எம்.எம்.கோபிசன், கோஎக்ஸ்பர்ட்ஸ் மணிகண்டன் எழுதிய The Professional Alien தொடரின் நூலை வெளியிட்டார்.
2027–2028ஆம் ஆண்டிற்கான முதல் நூலினை ரோட்டரி மாவட்ட ஆளுநர் லியோ பெலிக்ஸ் லூயிஸ் மற்றும் சோழவந்தான் ஸ்ரீனிவாசன் ஆகியோர் பெற்றுக்கொண்டனர். சிறப்புப் பிரதிகள் முன்னாள் தலைவர் தினகரன் மற்றும் டாக்டர் முத்துக்குமார் ஆகியோருக்கு வழங்கப்பட்டன.
இவ்விழாவில், ரோட்டரி கிளப் ஆஃப் மதுரை எலைட்டின் புதிய தலைவராக கோஎக்ஸ்பர்ட்ஸ் மணிகண்டன், செயலாளராக மகேஸ்வரன், பொருளாளராக பழனிக்குமார் ஆகியோர் பதவியேற்றனர்.
இதனைத் தொடர்ந்து, முன்னாள் தலைவர் ராமராஜன், புதிய தலைவரான மணிகண்டனிடம் நிர்வாகத்தின் பொறுப்புகளை ஒப்படைத்தார். தமிழகத்தில் MSME வளர்ச்சிக்கு 18 ஆண்டுகளாக ஆலோசனை வழங்கும் மணிகண்டன், GoExpertZ நிறுவனத்தின் நிறுவனர் மற்றும் தலைமை செயல் அதிகாரியாக, தமிழகம் முழுவதும் கடந்த 18 ஆண்டுகளாக குறு, சிறு மற்றும் நடுத்தர தொழில் நிறுவனங்கள் (MSMEs) வளர்ச்சிக்காக வணிக மற்றும் மேலாண்மை ஆலோசனைகளை வழங்கி வருகிறார்.
தொழில் மாற்றம், நிர்வாகம், மனிதவள மேலாண்மை மற்றும் தலைமைத்துவ மேம்பாடு உள்ளிட்ட துறைகளில் நிறுவனங்களுக்கு வழிகாட்டி வருகிறார். நடைமுறை சார்ந்த பயிற்சிகள் மற்றும் ஆலோசனைகள் மூலம் நூற்றுக்கணக்கான தொழில் நிறுவனங்களின் வளர்ச்சியில் அவர் முக்கிய பங்காற்றி வருகிறார். ரோட்டரி கிளப் ஆஃப் மதுரை எலைட்டின் புதிய தலைவராக கோஎக்ஸ்பர்ட்ஸ் மணிகண்டன் பதவி ஏற்றார்.
நிகழ்வில், மதுரை மாவட்ட ரோட்டரி கிளப் ஆஃப் எலைட்டின் நிர்வாகிகள், உறுப்பினர்கள் உள்ளிட்ட திரளானோர் கலந்து கொண்டனர். இதனைத்தொடர்ந்து, விழா மேடையில் பேசிய தவெக தெற்கு எம்.எல்.ஏ கோபிசன் கூறுகையில், The Business Alien நூல் தொழில் முனைவோருக்கு வழிகாட்டியாக இருந்து, அவர்களின் வணிக வளர்ச்சிக்கு பெரிதும் உதவுகிறது. புத்தக வெளியீடும் தலைவர் பொறுப்பேற்ற நிகழ்ச்சி ஒரே மேடையில் நடைபெற்றது, மகிழ்ச்சி அளிக்கிறது. புதிய தலைவர் மணிகண்டனின் பதவிக்காலம் சிறப்பாக அமைய அவரது வாழ்த்துகளைத் தெரிவித்தார்.
