நாமக்கல் மாவட்ட யூத் ரெட் கிராஸ் மற்றும் இந்தியன் ரெட் கிராஸ் இணைந்து, கல்லூரி மாணவர்களுக்கான மாவட்ட அளவிலான பயிற்சி முகாம், மாவட்ட ஊராட்சி கூட்ட அரங்கில் நடைபெற்றது.
சேலம் பெரியார் பல்கலைக்கழக யூத் ரெட் கிராஸ் மண்டல ஒருங்கிணைப்பாளர் இளங்கோவன் சிறப்பு விருந்தினராக கலந்துகொண்டு பேசினார். மாவட்ட ரெட் கிராஸ் செயலாளர் ராஜேஷ் கண்ணன், தமிழ்நாடு ரெட் கிராஸ் கிளையின் முதலுதவி பயிற்றுநர் பெஞ்சமின் முதலுதவி குறித்தும், நாமக்கல் மாவட்ட ரத்த வங்கி மருத்துவ அலுவலர் அன்புமலர் ரத்த தானம் குறித்தும் உரையாற்றினர்
சேலம் பெரியார் பல்கலைக்கழக உணவு ஊட்டச்சத்து துறை உதவிப் பேராசிரியர் வேணிபிரியதர்ஷினி வெப்ப அலை எதிர்கொள்வதற்கான உணவு வகைகள் குறித்தும், மாவட்ட மனநல மருத்துவர் இந்துமதி போதைப்பொருள் மற்றும் சோசியல் மீடியா அடிமைத்தனத்திலிருந்து எவ்வாறு விடுபடலாம் என்பது குறித்தும், நாமக்கல் மாவட்ட புகையிலை கட்டுப்பாட்டு ஆலோசகர் லலிதா புகையிலைப் பொருட்களால் ஏற்படும் விளைவுகள் குறித்தும் பேசினர்.
முடிவில் மாவட்ட ரெட் கிராஸ் தலைவர் மாதையன் மாணவ தொண்டர்களுக்கான சான்றிதழ்களை வழங்கினார். நாமக்கல் அறிஞர் அண்ணா அரசு கலைக்கல்லூரி யூத் கிராஸ் திட்ட அலுவலர் சந்திரசேகரன், மாவட்ட யூத் ரெட் கிராஸ் அமைப்பாளர் வெஸ்லி ஆகியோர் நிகழ்ச்சிக்கான ஏற்பாடுகளை செய்திருந்தனர்.
