வரும் அக். 1 முதல், ஜி.பி.எஸ்., கருவி பொருத்தி, மிமாஸ் போர்ட்டலில் பதிவு செய்த வாகனங்களில் மட்டுமே, மணல் மற்றும் கனிமங்கள் எடுத்துச்செல்ல அனுமதிக்கப்படும்.
இது குறித்து நாமக்கல் கலெக்டர் மதுபாலன் வெளியிட்டுள்ள செய்திக்குறிப்பில் கூறியுள்ளதாவது: நாமக்கல் மாவட்டத்தில் செயல்பட்டு வரும் குவாரிகள் மற்றும் கிரஷர்களில் இருந்து கனிமங்கள் எடுத்துச் செல்லும் வாகனங்களில், ‘ஏஐஎஸ் 140’ அல்லது அதற்கு மேற்பட்ட தரநிலை கொண்ட ஜி.பி.எஸ்., கருவியை பொருத்தி அவற்றை மிமாஸ் போர்ட்டலில் இணைப்பதற்கு, கடந்த, ஆக., 31 வரை கால அவகாசம் கொடுக்கப்பட்டது.
னால், நாமக்கல் மாவட்டத்தில் இதுவரை, 2,441 வாகனங்கள் கனிமங்கள் எடுத்துச்செல்ல மிமாஸ் போர்ட்டலில் பதிவு செய்யப்பட்டுள்ளது. அதில், 238 வாகனங்களுக்கு மட்டுமே, ஜி.பி எஸ்., கருவி பொருத்தப்பட்டுள்ளது.
வரும், 30ம் தேதிக்குள் கனிமங்கள் எடுத்துச் செல்லும் அனைத்து வானகங்களிலும், ஜி.பி.எஸ்., கருவி பொருத்தி அவற்றை மிமாஸ் போர்ட்டல் உடன் இணைக்க வேண்டும். வரும், 30க்குள் ஜி.பி.எஸ்., கருவி பொருத்தி பதிவு செய்யப்பட்டுள்ள வாகனங்கள் மட்டுமே, அக்., 1 முதல், கனிமங்கள் எடுத்துச் செல்ல அனுமதி வழங்கப்படும்.
எனவே, நாமக்கல் மாவட்டத்திலுள்ள அனைத்து குவாரி, கிரஷர் உரிமையாளர்கள் மற்றும் லாரி உரிமையாளர்கள், தங்கள் வாகனங்களில், வரும் 30க்குள், ஜி.பி.எஸ். கருவி பொருத்தி, மிமாஸ் போர்ட்டலில் கட்டாயம் பதிவு செய்துகொள்ள வேண்டும் என கூறப்பட்டுள்ளது.
