தூய தமிழில்… கற்றாழை! பேச்சு வழக்கில்… கத்தாழை!… என்பதே சரியானது.கள் – என்ற கூர்மைப் பொருள் குறித்த அடிச்சொல்லிலிருந்து பிறந்த சொல் ‘கள்ளி’ ஆகும். கள் – என்றால் முள். கள் + தாழை > அதாவது கூரிய முள்ளுடன் கூடிய மடல்களைக் கொண்ட தாழை வகை என்பதால் கற்றாழை என்று பெயர் பெற்றது.
கள்ளி – முள் கொண்ட திணை வகை. கற்றாழையும் கள்ளி குடும்பத்தைச் சேர்ந்த திணை வகைதான்.கற்றாழை – என்ற தமிழ்ச் சொல்லே ‘ஆழைவேர்’ – என்பதன் திரிபாக அதிலிருந்து உருவான சொல்லே Aloe Vera என்ற ஆங்கிலச் சொல்லும்.
ஆப்பிரிக்காவில், சமையலறையில் கற்றாழை செடியை வளர்ப்பது தீக்காயங்கள் மற்றும் சமையலறை தொடர்பான பிற விபத்துக்களில் இருந்து மக்களைத் தடுக்கும் என்று நம்பப்படுகிறது. தங்கள் கடைகளில், தொழிற்சாலைகளில் கற்றாழையை வைத்தால் அதிகமான வாடிக்கையாளர்களை ஈர்க்கலாம், வியாபாரத்தை பெருக்கலாம் என்கிற நம்பிக்கை இருக்கிறது.
அலோ வேராவுடன் தொடர்புடைய பாதுகாப்பு இயல்பு மற்றும் அதிர்ஷ்டம் அந்த தாவரத்திற்குள் மறைந்திருக்கும் ஒரு அமானுஷ்ய சக்தியிலிருந்து வந்தது. எனவே, எதிர்மறை எண்ணங்கள் கற்றாழையின் சக்தியால் வடிகட்டப்பட்டு, பயனுள்ள குணங்கள் மட்டுமே வீட்டிற்குள் கொண்டு செல்லப்பட்டன என ஆப்பிரிக்கர்களின் கலாசாரம் நம்புகிறது.
தீமைகளை தடுப்பதற்கான பல அணுகுமுறைகள் அந்த சமூகத்தால் செயல்படுத்தப்பட்டன. ஆனால் அவை தோல்வியடைந்தன. இருப்பினும், அலோ வேராவுடனான தொடர்பு, மக்கள் தங்கள் வீடுகள் அல்லது வணிகங்களுக்கு விருந்தினர்களை அரவணைக்கும் விதத்தை மாற்றும், அதன் பயன்பாடு குடும்பத்திற்கு மிகவும் நல்லது என்பதில் உறுதியாக இருந்தனர்.
நேபாளத்தில், அலோ வேரா அனைத்து மூலிகைகளின் கடவுள் என்று அழைக்கப்படுகிறது, ஏனெனில் இப்பகுதியில் உள்ள மற்ற மூலிகைகளை விட இந்த தாவரத்தில் ஏராளமான பயன்பாடுகள் உள்ளன. இதன் இலைகள் சருமத்தின் வயதைக் குறைக்கவும், பெண்களின் அழகை மேம்படுத்தவும் பயன்படுத்தப்பட்டு வருகிறது. இந்த மூடநம்பிக்கை இன்றைய தலைமுறை வரை கடைப்பிடிக்கப்பட்டு வருகிறது.
நேபாள கலாசாரம் சமூகத்தின் பல்வேறு பிரிவுகளுக்கு தெய்வங்களை நியமிப்பதால், அலோ வேரா அனைத்து மூலிகைகளின் கடவுளாக பிரபலமடைந்துள்ளது. சீன இந்திய கலாசாரத்திலும் இந்த நம்பிக்கை இன்றளவும் தொடர்கிறது.
5000 ஆண்டுகளுக்கு முன்பு, இந்த தாவரத்தை அடையாளம் கண்ட எகிப்தியர்கள் அலோ வேராவை “கடவுளின் இரத்தம்” என்று அழைத்தனர், ஏனெனில் அதன் சாறு பல நோய்களைக் குணப்படுத்துகிற சக்தி வாய்ந்தது. மேலும் அவர்கள் காயமடைந்த போர் வீரர்களுக்கு அதைப் பயன்படுத்தினர்.
அனைத்து வீரர்களும் தங்கள் காயங்களிலிருந்து குணமடைந்தனர், இதனால் சில நாட்களில் அவர்களின் இயல்பான ஆரோக்கியம் திரும்பியது. குறிப்பாக சிப்பாய்களின் மரணம் தள்ளி போடப்பட்டு, வாழ்நாள் அதிகரித்ததை எகிப்தியர்கள் கவனித்தனர். இதன் விளைவாக, அவர்கள் முதலில் அதற்கு “அழியா தாவரம்” என்று பெயரிட்டனர்.
ராணி கிளியோபாட்ரா தனது அழகை மேம்படுத்த அவள் நாள் முழுவதும் நைல் நதிக்கரையில் அமர்ந்திருக்க, வேலை யாட்கள் கற்றாழை சாற்றை தோலில் தடவியதாகவும், அலோ வேராவை அவளது தோலில் தொடர்ந்து பயன்படுத்தியதன் மூலம் அவரது அழகைப் பராமரித்து பேரழகியாக பேசப் பட்டாள் என்கிற கதைகள் உண்டு.
கிளியோபாட்ரா தனது சருமத்தை பட்டு போல மிருதுவாக வைத்திருக்க பயன்படுத்தினார். மார்க் ஆண்டனி வெட்டுக்காயங்கள் புண்களை குணப்படுத்த அதன் தைலத்தைப் பயன்படுத்தினார்.
ஜூலியஸ் சீசர் தோல் சார்ந்த வியாதி மற்றும் பூச்சி கடிக்கு பயன்படுத்தினார். ஆக ஆயிரக்கணக்கான ஆண்டுகளாக ஆண்கள் மற்றும் பெண்களின் ஆரோக்கியம் மற்றும் அழகு குறித்த பயன்பாட்டில் முக்கியத்துவம் வாய்ந்ததாக இருந்திருக்கிறது.
பண்டைய எகிப்து முதல் நவீன காலம் வரை, அதன் மருத்துவ குணங்கள் கொண்டாடப்பட்டு பயன்படுத்தப்பட்டு வருகின்றன. இந்த தாவரத்தினை ஆராய்வதன் மூலம் அதன் வரலாற்று மற்றும் கலாசார முக்கியத்துவம் மத குறிப்புகள், சடங்கு நடைமுறைகள் மற்றும் தீய சக்திகளுக்கு எதிராக அதிர்ஷ்டம் மற்றும் பாதுகாப்பு ஆகியவற்றுடன் அதன் ஆழமான தொடர்பு ஆகியவற்றை அறிய முடிகிறது.
இது நம் வாழ்வில் தொடர்ந்து தாக்கத்தை ஏற்படுத்துகிறது, முழுமையான ஆரோக்கியத்தை அளித்து குணப்படுத்துதல் மற்றும் நம்பிக்கையின் அடையாளமாக செயல்படுகிறது. இப்போது அலோ வேரா உலகளவில் பல பில்லியன் டாலர் வணிகத்தின் ஒரு பகுதியாக உள்ளது. என்றென்றும் வாழும் ஒரு தர அடையாளத்துடன் முன்னணியில் உள்ளது. கற்றாழை நோயெதிர்ப்பு சக்தி கொண்டது. மனிதகுலத்திற்கு இயற்கையின் பரிசு! இந்த தாவரம்.
மொத்தத்தில், பல்வேறு சமூகங்களில் அலோ வேரா பற்றி பல்வேறு மூடநம்பிக்கைகள், கட்டுக்கதைகள் உள்ளன. இந்த நம்பிக்கைகளின் பன்முகத்தன்மை, பல சமூகத்தின் கலாச்சார வரலாறு என்பது பல்வேறு நோக்கங்களுக்காக அந்த தாவரத்தின் பயன்பாடு ஆகியவற்றை அடிப்படையாகக் கொண்டது எனலாம்.
தற்போதைய தலைமுறையினரிடம் கூட சில வலுவான கருத்துக்கள் வைக்கப்பட்டுள்ளன. அலோ வேராவை வரையறுப்பதில் அவர்களின் பன்முகத்தன்மை இருந்த போதிலும், அவர்களின் வாதங்களின் அடிப்படைகள் இந்த தாவரமானது மனித ஆரோக்கியத்திற்கு பல நன்மைகளைக் கொண்டுள்ளது என்பதே. ஆகையால் குறிப்பறிந்து பயன் படுத்துவோம் – பயனடைவோம்.
# இங்கிலாந்திலிருந்து சங்கர்🎋 #
