புதுக்கோட்டையில் பள்ளி கல்வித்துறை சார்பில் மாற்றுத் திறனாளி மாணவர்களுக்கு மாவட்ட அளவில் விளையாட்டுப் போட்டி நடைபெற்றது.
இதில் கலந்து கொண்ட கறம்பக்குடி ஊராட்சி ஒன்றிய தட்டாமனைப்பட்டி நடுநிலைப்பள்ளி எட்டாம் வகுப்பு மாணவன் கே.மருதவேல், குண்டு எறிதல் போட்டியில் முதலிடம் பெற்று மாநில அளவில் நடைபெற இருக்கும் போட்டிக்குத் தேர்வாகி உள்ளார்.
மேலும் நீளம் தாண்டுதல்,100 மீ ஓட்டப்பந்தயம் போட்டிகளில் மாவட்ட அளவில் இரண்டாம் இடம் பெற்று உள்ளார்.
மாணவன் கே.மருதவேலைஸ பள்ளி ஆசிரியர்கள் ஸ்டாலின் சரவணன், ராதிகா, மரியசிபிலா,வினோதா, ப்ரியதர்சினி, ஜெயஷீலா மற்றும் பள்ளி மாணவகுழு உறுப்பினர்கள் பாராட்டினர்.
