திருச்சிராப்பள்ளி தினம் (08.07.1866)
திருச்சிராப்பள்ளி மாவட்டம் (Tiruchirappalli district) இந்திய மாநிலமான, தமிழ்நாட்டின் 38 மாவட்டங்களில் ஒன்றாகும். இம்மாவட்டத்தின் நிர்வாகத் தலைமையிடம் திருச்சிராப் பள்ளி ஆகும். இது தமிழ்நாட்டில் உள்ள 4 வது பெரிய நகரம் ஆகும். இந்த மாவட்டம் 4403.83 ச.கி.மீ பரப்பளவைக் கொண்டுள்ளது.
திருச்சிராப்பள்ளியை ஆண்ட மன்னர்கள்:
தென்னகத்தின் மத்தியில், திருச்சிராப்பள்ளி மாவட்டம் அமைந்துள்ள காரணத்தால், தென்னகத்தின் மீது படையெ டுத்து வெற்றி கொண்ட அத்தனைப் பேரரசுகளின் ஆதிக்கத் திலும் பரந்தும், குறுகியும் இம்மாவட்டம் விளங்கி யது. சேர, சோழ, முத்தரையர், பாண்டியர், விஜய நகரப் பேரரசாலும், பாளையக்காரர்களாலும் திருச்சிராப்பள்ளி ஆளப்பட்டது.
பண்டைய கால திருச்சிராப்பள்ளி:
உறையூர் திருச்சிராப்பள்ளியின் ஒரு பகுதி, சோழர்களின் தலைநகரமாக கி.மு. 300 முதல் இருந்துவருகிறது. இது தொல் பொருள் சான்றுகள் மற்றும் பண்டைய இலக்கியங்கள் மூலம் ஆதரிக்கப்படுகிறது. சோழர்களின் கட்டுப்பாட்டின் கீழ் உறையூர் தொடர்ந்து இருந்தமைக்கான இலக்கிய ஆதாரங் கள் உள்ளன.
பின்னர், உறையூர் இன்றும் திருச்சிராப்பள்ளி மற்றும் அதன் அருகில் உள்ள பகுதிகள், கி.பி. 590 இல் மகேந்திரவர்ம பல்லவரின் கட்டுப்பாட்டின் கீழ் வந்தது. கி.பி. 880 வரை, கல்வெட்டுகளின் படி, இந்த பகுதி பல்லவர்கள் மற்றும் பாண்டியர்கள் மேலாதிக்கத்தின் கீழ் இருந்தது.
கி.பி.880 பிறகு திருச்சிராப்பள்ளி மற்றும் அதன் அருகில் உள்ள பகுதிகள் அனைத்தும் சோழப்பேரரசின் பகுதியாக மாறியது. 1225 -இல் ஹொய்சாளர்களால் அந்த பகுதி ஆக்கிரமிக்கப் பட்டது. அதன் பின்னர், முகலாய ஆட்சியின் வருகைக்கு பின்னர் அது பாண்டியர்களின் ஆட்சியின் கீழ் வந்தது. திருச்சிராப்பள்ளி சில காலம் முகலாய ஆட்சியின் கீழ் இருந்தது, பின்பு விஜயநகர ஆட்சியாளர்களின் கீழ் வந்தது.
விஜயநகர சாம்ராஜ்யத்தின் ஆளுநர்களான நாயக்கர்கள் 1736 ஆம் ஆண்டு வரை இந்த பகுதியை ஆட்சி செய்தார். தெப்பக் குளம் மற்றும் மலைக்கோட்டையை கட்டியவர் விஸ்வநாத நாயக்கர் ஆவார். மீனாட்சியாரின் அரசு ஆட்சிக்கு பிறகு நாயக்கர்கள் வம்சம் முடிவடைந்தது.
காவேரி ஆற்றங்கரையில் அமைந்திருக்கும் திருச்சிராப் பள்ளி, மாநிலத்தின் நான்காவது பெரிய நகரமாக இருந்தது, ஆரம்பகால சோழர்களின் கோட்டையாக இருந்தது, பின்னர் பல்லவர்களிடம் விழுந்தது. ஆனால் பல்லவர்கள் உண்மையில் இந்த நகரத்தை கட்டுப்பாட்டில் வைத்திருக்க வில்லை, பல முறை பாண்டியர்களிடம் அதை இழந்தனர். 10 ஆம் நூற்றாண் டில் மீண்டும் சோழப்பேரரசின் கட்டுப்பாட்டின் கீழ் வந்தது. சோழப்பேரரசின் சரிவிற்கு பின் விஜயநகர கோட்டையாக ஆனது.
1565 ஆம் ஆண்டில் இந்த பேரரசு வீழ்ச்சியுற்றபோது, மதுரை நாயக்கர்கள், மராட்டியர்கள், நவாப்கள், பிரெஞ்சு மற்றும் இறுதியாக பிரிட்டிஷ் ஆகியோர் திருச்சியை ஆக்கிரமித்தனர். 18 ஆம் நூற்றாண்டில் இந்தியாவில் மேலாதிக்கத்திற்கான பிரிட்டிஷ்-பிரஞ்சு போராட்டத்தின் போது கர்நாடகத்தின் போர்களை எதிர்த்துப் போராடிய முக்கிய மையங்களில் இதுவும் ஒன்றாகும். மதுரை நாயக்கர்கள் கீழ் இருந்ததபோது திருச்சிராப்பள்ளி அதன் முழுமையான செழிப்புடன் வளர்ந் ததோடு இன்றும் அது செழித்தோங்கிய நகரமாக உள்ளது. கோட்டையைத் தவிர 1760 முற்பட்ட பல திருக்கோவில்கள் உள்ளன.
திருச்சிராப்பள்ளி நகராட்சி:
முஸ்லிம்கள் இந்த பிராந்தியத்தை பிரெஞ்சு அல்லது ஆங்கிலேய இராணுவங்களின் உதவியுடன் மீண்டும் ஆட்சி செய்தனர். சில ஆண்டுகளுக்கு, திருச்சிராப்பள்ளி சாந்தா சாஹிப்பின் மற்றும் முகமது அலி ஆட்சியின்கீழ் இருந்தது. இறுதியாக ஆங்கிலேயர்கள் தங்கள் கட்டுப்பாட்டின்கீழ் திருச்சிராப்பள்ளி மற்றும் பிற பகுதிகளை கொண்டு வந்தனர்.
ஆங்கிலேயர்களின் மேலாதிக்கத்தின் கீழ் இந்த மாவட்ட மானது 150 ஆண்டுகளாக இந்தியாவின் சுதந்திரத்திறகு முன் வரை இருந்தது. இத்தகைய சிறப்பு வாய்ந்த நமது திருச்சி ராப்பள்ளி மாவட்டம் இந்தியா சுதந்திரம் பெறுவதற்கு முன்னர் ஆங்கிலேயர் ஆட்சிகாலத்தில் 08.07.1866 -இல் திருச்சிராப்பள்ளி நகராட்சி யாக கட்டமைக்கப்பட்டது.
திருச்சிராப்பள்ளியில் இருந்து பிரிந்த மாவட்டங்கள்:
1948-இல் புதுக்கோட்டை சமஸ்தானம், திருச்சிராப்பள்ளி மாவட்டத்தில் இருந்தது. இப்பகுதி 1974-இல் திருச்சிராப்பள்ளி யிலிருந்து பிரிக்கப்பட்டு, தனி மாவட்டமாக அமைந்தது. நில அடிப்படையில் தமிழகத்தின் மையமாக விளங்கும் திருச்சி ராப்பள்ளி மாவட்டம் 1995, செப்டம்பர் 30-ஆம் தேதி திருச்சி ராப்பள்ளி, கரூர், பெரம்பலூர் என மூன்று மாவட்டங் களாகப் பிரிக்கப்பட்டது. பின்னர், 2007 நவம்பர் 23-ஆம் தேதி பெரம்ப லூரில் இருந்து அரியலூர் மாவட்டமாக பிரிக்கப்பட்டது.
திருச்சிராப்பள்ளி மாநகராட்சி:
திருச்சிராப்பள்ளி நகராட்சியாக 01.06.1994 முதல் மாநகராட்சி யாக ஆனது. இந்த மாநகராட்சியை ஒட்டியுள்ள துவாக்குடி, திருவெறும்பூர் நகராட்சிகளை திருச்சிராப்பள்ளியுடன் இணைக்க அரசு பரிசீலனை செய்து வருகிறது. இதனடிப்ப டை யில் இந்த மாநகராட்சி நான்கு மிகப்பெரிய மண்டலங்க ளையும் நூறு (100) வார்டுகளையும் கொண்டுள்ளது.
இந்த மாநகராட்சி சென்னை, கோயம்புத்தூர் மாநகராட்சி களைப் போலவே பல நகராட்சிகளைக் கொண்டுள்ளது. அதனடிப்படையில் அரியமங்கலம், அபிஷேகபுரம், பொன் மலை, திருவரங்கம், துவாக்குடி, ஆகிய நகராட்சிகளை யும் திருவெறும்பூர் பேரூராட்சிகளையும் உள்ளடக்கி உள்ளது. திருச்சிராப்பள்ளி மாநகராட்சி பெருநகர மாநகராட்சியாக இல்லாத போதிலும் ஆண்டு வரி வருவாய் 615 கோடி ரூபாய் ஈட்டுகிறது. இது தமிழக மாநகராட்சிகளின் வரி வருவாயில் மூன்றாவது இடத்தைக் கொண்டுள்ளது.
சிறந்த உட்கட்டமைப்பு வசதிகளுடன் திருச்சிராப்பள்ளி மாவட்டம் தமிழ்நாட்டின் மையப்பகுதியாக உள்ளது.
