புதுக்கோட்டை புத்தகத் திருவிழாவில் அரசுப் பள்ளி மாணவர்களுக்கு புத்தகங்களைப் பரிசாக வழங்கி புத்தக நன்கொடையாளர்கள் அசத்தி வருகின்றனர்.
புதுக்கோட்டை புத்தகத் திருவிழாவில் வாசகர்கள், பொதுமக்களைத் தினந்தேறும் ஆயிரக்கணக்கில் பள்ளி, கல்லூரி மாணவர்கள் அழைத்து வரப்படுகின்றனர். இதற்காக வாகனம் உள்ளிட்ட ஏற்பாடுகளை மாவட்ட நிர்வாகம் செய்துள்ளது. பள்ளி மாணவர்கள் ஆயிரக்கணக்கில் வந்தாலும் அவர்கள் அனைவரும் புத்தகங்கள் வாங்குவதில்லை.
குறிப்பாக அரசுப் பள்ளிகளில் இருந்து அழைத்து வரப்படும் மாணவர்களிடம் பெரும்பாலும் புத்தகம் வாங்கும் அளவுக்கு பணம் வைத்திருப்பதில்லை. இதனை அறிந்த சில புத்தக ஆர்வலர்கள் அரசுப் பள்ளி மாணவர்களுக்கு புத்தகங்களை பரிசாக வழங்கி உற்சாகப்படுத்தி வருகின்றனர்.
இதனொரு பகுதியாக வெள்ளிக்கிழமை வருகைதந்த அரையப்பட்டி அரசுப் பள்ளி மாணவர்களுக்கு எம்.எஸ்.சுவாமிநாதன் ஆராய்ச்சி நிறுவன முதன்மை விஞ்ஞானி ஆர்.ராஜ்குமார்.
வாசகர் பேரவைச்செயலர் பேரா.விஸ்வநாதன், அறிவியல் இயக்க மாவட்டச் செயலாளர் மு.முத்துக்குமார், புதுகை பிலிம் சொசைட்டி நிறுவனர் எஸ்.இளங்கோ ஆகியோர் 65 மாணவர்களுக்கு சுமார் 20 ஆயிரம் ரூபாய் மதிப்பிலான புத்தகங்களை அன்பளிப்பாக அளித்து மாணவர்களை மகிழ்ச்சியில் ஆழ்த்தினர்.
