கொலை வழக்கில் தொடர்புடைய குற்றவாளிக்கு ஆயுள தண்டனை

கடந்த 2018 -இல் புதுக்குளம் தென்கரையில் வைத்து தணேஷ் குமார் மற்றும் அவரது நண்பர்கள் தமிழரசனை அரிவாளால் வெட்டிக் கொல்ல முயன்றதாகவும், இதனை மனதில் வைத்துக் கொண்டு 2020 மே 17 -ஆம் தேதி தணேஷ்குமாரை வீட்டிலிருந்து அழைத்துச் சென்று புதுக்குளம் அருகே மது வாங்கிக் கொடுத்து, பாட்டிலால் குத்திக் கொன்றார் தமிழரசன்.

இதுகுறித்து வழக்குப் பதிவு செய்த கணேஷ்நகர் போலீஸார், தமிழரசனைக் கைது செய்து சிறையில் அடைத்தனர். இந்த வழக்கு புதுக்கோட்டை மாவட்ட முதன்மை நீதிமன்றத்தில் நடைபெற்று வந்தது. அரசுத் தரப்பில் வழக்குரைஞர் வெங்கடேசன் ஆஜராகினார். வழக்கை விசாரித்த நீதிபதி பூரண ஜெய ஆனந்த் வியாழக்கிழமை தீர்ப்பு வழங்கினார்.

குற்றவாளி தமிழரசனுக்கு ஆயுள் சிறைத் தண்டனையும், ரூ.1000   -ம் அபராதமும் விதித்து தீர்ப்பளிக்கப்பட்டது.