வடகிழக்கு பருவ மழையை எதிர்கொள்ள பல்வேறு ஏற்பாடுகளுடன் தயார் நிலையில் உள்ளதாக மாவட்ட ஆட்சியர் மெர்சி ரம்யா தெரிவித்துள்ளார்.
இது தொடர்பாக ஆட்சியர் வெளியிட்ட தகவல்: புதுக்கோட்டை மாவட்டத்தில்; வடகிழக்குப் பருவமழை முன்னெச்சரிக்கை நடவடிக்கையாக 582 – குளங்கள் மற்றும் ஏரிகள் தூர்வாரப்பட்டுள்ளது.
மேலும், புதுக்கோட்டை மாவட்டத்தில் உள்ள குளங்கள், ஏரிகள் மற்றும் கண்மாய்கள் உள்ளிட்ட நீர் நிலைகளில்; நிரம்பியுள்ள நீரின் இருப்புக் குறித்து கண்காணிக்கப்பட்டு வருகிறது.
மேலும், புதுக்கோட்டை மாவட்டத்தில் புயல், வெள்ளம் சூறாவளி ஆகியவற்றால் ஏற்படும் மின்தடையினை சரி செய்வதற்கு முன்னெச்சரிக்கையாக தமிழ்நாடு மின் உற்பத்தி மற்றும் பகிர்மான கழகத்தில் 5215 – மின்கம்பங்களும், 50 கி.மீ தொலைவிற்கான மின்கம்பிகள் மற்றும் 50 – மின்மாற்றிகள் தயார் நிலையில் உள்ளன.
மேலும், புயல், வெள்ளம் ஏற்படும் காலங்களில் மக்களை பாதுகாப்பாக தங்க வைக்க ஏதுவாக 10 – பல்நோக்கு பேரிடர் மையக் கட்டிடங்கள் மற்றும் நிவாரண மையங்கள் தயார் நிலையில் உள்ளன.
மேலும், மழைக்காலங்களில் ஏற்படும் இடர்பாடுகள் குறித்த தகவல்களை 24 மணி நேரமும் செயல் படக்கூடிய மாவட்ட அவசரக் கட்டுபாட்டு அறை எண் – 1077, 04322-222207 ஆகிய கட்டணமில்லா தொலைபேசி எண்களை தொடர்பு கொண்டு தகவல் தெரிவிக்கலாம் என மாவட்ட ஆட்சியர் மெர்சி ரம்யா தெரிவித்துள்ளார்.
