தமிழக அரசின் பள்ளி கல்வித்துறை சார்பில் 2022-2023 ஆம் கல்வி ஆண்டிற்கான மாநில அளவிலான சிலம்பப் போட்டி அரியலூரில் நடைபெற்றது.
சிலம்பப் போட்டியில் திரு இருதய பெண்கள் மேல்நிலைப் பள்ளியில் பதினோராம் வகுப்பு பயிலும் எ. சிந்துஜா மாநில அளவில் முதல் பரிசையும், எட்டாம் வகுப்பில் பயிலும் ஆர்.பூர்விகா ஸ்ரீ இரண்டாம் பரிசையும் பெற்றுப் பள்ளிக்கு பெருமை சேர்த்தனர்.
பரிசு வென்ற மாணவிகளையும் பயிற்றுவித்த உடற்கல்வி ஆசிரியர்களான ச.ஆரோக்கிய தமிழ்ச்செல்வி மற்றும் சு. ராஜேஸ்வரி ஆகியோரை பள்ளியில் நடைபெற்ற காலை வழிபாட்டில் தலைமையாசிரியை அருட்சகோதரி சி. ஜோஸ்பின் மேரி FBS, மற்றும் தாளாளர் அருட் சகோதரி அ. செசிலி FBS ஆகியோர் வாழ்த்தினர்.
