கந்தர்வக்கோட்டை ஒன்றிய புதுப்பட்டி ஊராட்சி மன்ற இல்லம் தேடிக் கல்வி மைய சார்பில் அரசு பள்ளியில் மாணவர்கள் சேர்க்கை விழிப்புணர்வு பேரணி நடைபெற்றது.
புதுக்கோட்டை மாவட்டம் கந்தர்வகோட்டை ஒன்றியம் புதுப்பட்டி ஊராட்சி ஒன்றிய வேம்பன்பட்டி, சிவந்தான்பட்டி, புதுப்பட்டி ஊராட்சி மன்ற இல்லம் தேடி கல்வி மையத்தின் சார்பில் அரசு பள்ளியில் மாணவர்களை சேர்க்கை குறித்து பெற்றோர்களிடம் விழிப்புணர்வு ஏற்படுத்தும் பேரணியை ஊராட்சி மன்ற தலைவர் பன்னீர் செல்வம் தலைமை வகித்து தொடங்கி வைத்தார்.
தலைமை ஆசிரியர் ராமஜெயம் வரவேற்றார். பள்ளி மேலாண்மை குழு வேம்பன் பட்டி பள்ளி மேலாண்மை குழு கல்வியாளர் சீனிவாசன் புதுப்பட்டி தொடக்க பள்ளி தலைமையாசிரியர் சுதாகர் ஆகியோர் முன்னிலை வகித்தனர்.
இல்லம் தேடி கல்வி மைய ஒருங்கிணைப்பாளர் ரகமதுல்லா அரசு பள்ளியில் செயல்படுத்தும் திட்டங்கள் குறித்து பேசியதாவது:
மாணவர் சேர்க்கை பேரணியில் பெற்றோர்கள் தங்கள் குழந்தைகளை அரசு பள்ளியில் சேர்க்க வேண்டும். அரசு பள்ளியில் செயல்படுத்தி வரும் இல்லம்தேடி கல்வி திட்டத்தின் மூலம் மாலை நேரத்தில் மாணவர்கள் கொரோனோ காலத்தில் ஏற்பட்ட கற்றல் இழப்புகளை சரி செய்யக்கூடிய பணிகளை சிறப்பாக செயல்படுத்தி வருகிறது.
அரசு பள்ளிகளில் கல்வி இணை செயல்பாடுகளான மன்ற செயல்பாடுகள் மூலம் மாணவர்களுக்கு வெளிநாடு சுற்றுலா செல்ல வாய்ப்புகள் வழங்கப்படுகிறது. காலை உணவு திட்டம், அரசு பள்ளியில் பயின்றால் 20% அரசு வேலை வாய்ப்புகளில் முன்னுரிமை, உயர்கல்விகள் 7.5% இட ஒதுக்கீடு, பெண்களுக்கு இலவச உதவி தொகை.
மாதந்தோறும் தேன்சிட்டு, ஊஞ்சல் சிற்றிதழ்கள், கண்ணொளி திட்டம் , ஒன்று முதல் ஐந்து வகுப்பு வரை எண்ணும் எழுத்தும் திட்டம், விலையில்லா வண்ண சீருடைகள், காலணிகள், விலையில்லா பாட புத்தகங்கள், நோட்டுகள் உள்ளிட்டவை அரசு பள்ளிகளில் வழங்கப்படுகிறது. தங்களுடைய குழந்தைகளை அரசு பள்ளியில் சேர்க்க முன் வரவேண்டும் என்றார்.
இந்நிகழ்வில் வானவில் மன்ற கருத்தாளர் தெய்வீக செல்வி, தன்னார்வலர்கள் அகிலா கலைச்செல்வி மணிமொழி சரிதா பூங்கொடி ஜெயகுமாரி வினோதினி, வீர முனியம்மாள், ராஜலட்சுமி ஐஸ்வர்யா கோகிலா ஆகியோர் கலந்து கொண்டனர்.
