டாக்டர் இராதாகிருஷ்ணன் விருது பெற்ற ஆசிரியர்களுக்கு பாராட்டு..
புதுக்கோட்டையில் நல்லாசிரியர் விருது பெற்ற ஆசிரியர்களை மாவட்ட ஆட்சித்தலைவர் பாராட்டி வாழ்த்தினார்.
புதுக்கோட்டை மாவட்டத்தில் நல்லாசிரியர் விருது பெற்ற ஆசிரியர்களை மாவட்ட ஆட்சித்தலைவர் அருணா, பொன்னாடை அணிவித்து பாராட்டி வாழ்த்தினார் .
புதுக்கோட்டை மாவட்டத்தில் 2024-25 -ஆம் கல்வியாண்டில் நல்லாசிரியர் விருது பெற்ற ஆசிரியர்கள் தொடக்கக் கல்வித் துறையில் மேலப்பட்டி ஊராட்சி ஒன்றிய நடுநிலைப்பள்ளி அறிவியல் ஆசிரியர் மகேஸ்வரன்,
அசோக் நகர் பட்டதாரி ஆசிரியர் பழனிச்சாமி, டி.இ.எல்.சி. நடுநிலைப்பள்ளி தமிழ் ஆசிரியர் யுனைசி கிறிஸ்டி ஜோதி, திருமயம் காட்டுபாவா பள்ளிவாசல் பட்டதாரி ஆசிரியை வசந்த மலர், அன்னவாசல் நிலையப்பட்டி இடைநிலை ஆசிரியர் கலைவாணி மற்றும் பள்ளி கல்வித் துறையில் சுனையக்காடு பட்டதாரி ஆசிரியர் ரவி.
பொன்னகரம் தலைமை ஆசிரியர் இளங்கோவன், புதுக்கோட்டை இராணியார் பள்ளி முதுகலை ஆசிரியர் இராஜநாராயணன், நச்சாந்துப்பட்டி உடற்கல்வி ஆசிரியர் ராக்கேஷ், கீரமங்கலம் தலைமை ஆசிரியர் வள்ளி நாயகி, மவுண்ட் சீயோன் மெட்ரிக் பள்ளி முதல்வர் கிருபா ஆகியோருக்கு டாக்டர் இராதாகிருஷ்ணன் விருதை பள்ளி கல்வி அமைச்சர் அன்பில் மகேஷ் பொய்யாமொழி வழங்கி பாராட்டு தெரிவித்தார்.
விருது பெற்றவர்களை மாவட்ட ஆட்சித்தலைவர் அருணா பொன்னாடை அணிவித்து பாராட்டி வாழ்த்தினார். இந்த நிகழ்வில் மாவட்ட முதன்மை கல்வி அலுவலர் சண்முகம், மாவட்ட கல்வி அலுவலர் (இடைநிலை கல்வி) ரமேஷ் மாவட்ட தொடக்கக்கல்வி அலுவலர் செந்தில், வட்டார கல்வி அலுவலர் பிரியா, அருள், குமரேசன், கல்வி அலுவலர்கள் குருமாரிமுத்து, சாலைசெந்தில் உள்ளிட்டோர் கலந்து கொண்டனர்.
