புதுக்கோட்டை மாவட்டத்தில் நல்லாசிரியர் விருது பெற்ற ஆசிரியர் களுக்கு புதுக்கோட்டை மாநிலங்களவை உறுப்பினர் எம்.எம். அப்துல்லா தனது அலுவலகத்தில் பொன்னாடை அணிவித்து பாராட்டி வாழ்த்தினார் .
புதுக்கோட்டை மாவட்டத்தில் 2024-25 ஆம் கல்வியாண்டில் நல்லாசிரியர் விருது பெற்ற மேலப்பட்டி ஊராட்சி ஒன்றிய நடுநிலைப்பள்ளி அறிவியல் ஆசிரியர் மகேஸ்வரன், திருமயம் காட்டுபாவா பள்ளிவாசல் பட்டதாரி ஆசிரியை வசந்த மலர், டி.இ. எல். சி. நடுநிலைப்பள்ளி தமிழ்ஆசிரியர் யுனைசிகிறிஸ்டிஜோதி, அன்னவாசல் நிலையப்பட்டி இடைநிலை ஆசிரியர் கலைவாணி உள்ளிட்டோருக்கு டாக்டர் இராதாகிருஷ்ணன் விருதை பள்ளி கல்வி அமைச்சர் அன்பில் மகேஷ் பொய்யாமொழி வழங்கினார் .விருது பெற்ற ஆசிரியர்களை மாநிலங்களவை உறுப்பினர் அப்துல்லா தன் அலுவலகத்திற்கு வரவழைத்து பொன்னாடை அணிவித்து பாராட்டினார்.
நல்லாசிரியர்களுக்கு புதுக்கோட்டை ரோட்டரி சங்கம் விருது
தமிழக அரசின் 2024 -24 -ஆம் ஆண்டுக்கான டாக்டர் ராதாகிருஷ்ணன் நல்லாசிரியர் விருது பெற்ற ஆசிரியர்களுக்கு புதுக்கோட்டை ரோட்டரி சங்கம் பாராட்டு விழா நடத்தியது.
விழாவுக்கு புதுக்கோட்டை ரோட்டரி சங்கத்தில் தலைவர் பசுபதி தலைமை வகித்தார்.செயலாளர் செல்லத்துரை முன்னிலை வகித்தார்.பொருளாளர் பிரகாஷ் வரவேற்புரையாற்றினார்.
சிறப்பு விருந்தினராக புதுக்கோட்டை மாவட்ட முதன்மை கல்வி அலுவலர் சண்முகம், கௌரவ விருந்தினர் தலைமையாசிரியர் தங்கமணி, துணைநிலை ஆளுநர் லட்சுமணன் ஆகியோர் கலந்து கொண்டு ஆசிரியர்களுக்கு வாழ்த்துத் தெரிவித்தனர்.
இந்நிகழ்வில், ஊராட்சி ஒன்றிய நடுநிலைப்பள்ளி மேலப்பட்டி ஆசிரியர் மகேஸ்வரன், சுனைய காடு பட்டதாரி ஆசிரியர் ரவி, அசோக் நகர் பட்டதாரி ஆசிரியர் பழனிச்சாமி, ராணியார் மேல்நிலைப்பள்ளி முதுகலை ஆசிரியர் ராஜநாராயணன் , நச்சாந்து பட்டி உடற்கல்வி ஆசிரியர் ராகேஷ், டிஇஎல்சி நடுநிலைப்பள்ளி ஆசிரியர் யுனைசி கிறிஸ்டி ஜோதி, நிலைய பபட்டி ஆசிரியர் கலைவாணி ஆகியோருக்கு பொன்னாடை மற்றும் கேடயம் வழங்கி கௌரவிக்கப்பட்டது.