தமிழக அரசு பள்ளி கல்வித்துறை சார்பில் கலை திருவிழா நிகழ்ச்சிகளை நடத்தியது. இந்த விழாவில் தேனி மாவட்டம் கோட்டூர் A.D.துவக்கப்பள்ளி மூன்றாம் வகுப்பு மாணவர் விபுல்வேல் களிமண் மூலம் பொம்மை செய்தல் போட்டியில் தேனி வட்டார அளவில் முதலிடமும், மற்றும் இரண்டாம் வகுப்பு மாணவி ரித்திகா மாறுவேடம் போட்டியில் தேனி மாவட்டம் அளவில் முதலிடமும் பெற்றனர்.
இந்த மாணவ, மாணவிகளுக்கு ஹீரோ ஸ்டார் கூட்டமைப்பு (பதிவு எண் 17/2026) சார்பில் பாராட்டு விழா நடந்தது. இந்த விழாவில் A.D துவக்கப்பள்ளி தலைவர் வேல்சாமி, செயலாளர் ரத்தினம், தலைமை ஆசிரியை கௌசல்யா உட்பட பலர் பங்கேற்றனர்.
சிறப்பு விருந்தினராக ஆசிரியர் யுரேநிதா தமிழ் வேந்தன் கலந்து கொண்டு மாணவ மாணவிகளுக்கு பரிசுகள் வழங்கி பாராட்டினார்.
கோட்டூர் நாம் தமிழர் கட்சி பிரமுகர் ராஜா, ஹீரோ ஸ்டார் வேல்முருகன் விரிவுரையாளர், ஹீரோ ஸ்டார் ஜெயப்பிரகாஷ், உட்பட பலர் கலந்து கொண்டு மாணவ மாணவிகளை வாழ்த்தி பேசினார்கள். பாராட்டு விழா ஏற்பாடுகளை ஹீரோ ஸ்டார் ராஜதுரை சிறப்பாக செய்து இருந்தார்.
