பர்மிங்காமில் எழுந்தருளிய வெங்கடேஸ்வரா கோயில்

இந்தியாவின் திருப்பதியில் உள்ள பழமையான மற்றும் புனிதமான ஸ்ரீ வெங்கடேஸ்வரா கோயிலின் பாணியில் கட்டப்பட்டுள்ள, இங்கிலாந்தின் இரண்டாவது பெரிய நகரமான பர்மிங்காமில் எழுந்தருளிய வெங்கடேஸ்வரா கோயில் பற்றி சில குறிப்புகள்…,

1970 களின் பிற்பகுதியில், இந்திய துணைக் கண்டத்தைச் சேர்ந்த புலம்பெயர்ந்த இந்துக்கள், தங்களுக்கென ஒரு கோயில், பிரார்த்தனைக்கான கூடம் மற்றும் தியான மண்டபம் ஆகியவற்றை உருவாக்குவதற்கான ஒரு தொலைநோக்கு பார்வையைப் பகிர்ந்து கொண்ட போது இந்த பயணம் தொடங்கியது.

ஆரம்பத்தில் இந்த் குழு பர்மிங்காமில் உள்ள ஹேண்ட்ஸ் வொர்த்தில் உள்ள ஸ்ரீ கீதா பவன் மந்திரில் வழக்கமான மாதாந்திர சமூக பிரார்த்தனைகளை நடத்தியது.

தொடக்கத்தில் ஒவ்வொரு மாதமும் முதல் ஞாயிற்றுக்கிழமை யும், பின்னர் வாரந்தோறும் ஞாயிற்றுக்கிழமையும் நூற்றுக்கணக்கான பக்தர்கள் கலந்து கொண்ட மாத பூஜைகள் நடைபெற்றன. நாளடைவில்  எண்ணிக்கை அதிகரித்ததால், முன்மொழியப் பட்ட கோயிலுக்கான அவர்களின் ஆர்வமும் அதிகரித்தது.

வெங்கடேஸ்வரா கோயிலைக் கட்டுவதற்கான ஆதரவு பரந்த அளவில் வளர்ந்தது. 1984 ஆம் ஆண்டில் நிதி திரட்டுவதற்கும் பொருத்தமான நிலத்தைக் கண்டுபிடிப்ப தற்கும் பதினைந்து பேர் கொண்ட நிர்வாகக் குழு தேர்ந்தெடுக்கப்பட்டது.

கண்ட கனவை நனவாக்கத் தேவையான நிதியைத் திரட்டுவதற்கும் பொருத்தமான தளத்தைத் தேடுவதற்கும் தங்கள் பணியை தீவிரமாகத் தொடங்கியது. அர்ப்பணிப் புள்ள உறுப்பினர்களைக் கொண்ட அந்த குழு , பொருத்தமான நிலத்தைத் தேடுவதற்கும், சமூகத்தின் பரந்த பிரிவினரின் ஆதரவைப் பெறுவதற்கும் இடைவிடாது உழைத்தது.

கோயில் கட்டுவதற்கு உகந்த இடத்திற்கான தேடலில் 1995 ஆம் ஆண்டில், பிளாக் கவுண்டியில் பயன்படுத்தப்படாத நிலங்கள் இனம் காணப்பட்டது. கோயில் நிர்வாக குழுவின் கனவுக் கோவிலுக்கு ஏற்ற இடமாக இருந்ததால் பிளாக் கவுண்டி மேம்பாட்டுக் கழகத்திடம் இருந்து அந்த நிலம் கையகப் படுத்தப்பட்டது.

 பர்மிங்காமின் வடமேற்கில் உள்ள டிவ்டேலில் ஒரு பண்ணை யாக இருந்த இடம் தான் இப்போது கோயிலாக மாறியது. ஒரு கோயில் மற்றும் ஒரு சமுதாயக்கூடத்தை உள்ளடக்கிய ஒரு லட்சிய பணிக்கான திட்டங்கள் தயாரிக்கப்பட்டு, தேவை யான நிதி திரட்டும் பணி தொடங்கியது. இந்த கோவிலை இந்திய கட்டிடக்கலை ஆராய்ச்சியாளரான பேராசிரியர் ஆடம் ஹார்டி வடிவமைத்தார்.

1996 ஆம் ஆண்டில், மில்லினியம் கமிஷன், பொருந்தக்கூடிய நிதியின் மூலம் மானியத்திற்கான திட்டத்திற்கு ஒப்புதல் அளித்தது. 1997 ஆம் ஆண்டு அடிக்கல் நாட்டு விழா புனித சடங்குகள் படி நடைபெற்றது. கோயில் வடிவமைப்பில் நிபுணரான இந்தியாவில் உள்ள டாக்டர் தட்சிணாமூர்த்தியி டமும் ஆலோசனை கேட்கப்பட்டது.

இந்த பிரதான கோயில் தென்னிந்திய திராவிட பாணியை பிரதிபலிக்கும் வகையில் தனித்துவமான கிரானைட்களால் செதுக்கப்பட்ட கோபுரங்கள் மற்றும் பல பாரம்பரிய கற்சிற் பங்களை உள்ளடக்கிய கோயிலாக கட்டப்பட்டது. 2006 ஆம் ஆண்டு முழுவதுமாக கட்டி முடிக்கப்பட்டு பொதுமக்க ளுக்காக திறக்கப்பட்டது. இன்று இது ஒரு பள்ளி, ஒரு சமூக மையம், ஒரு காந்தி அமைதி மையம் மற்றும் விஷ்ணு, சிவன், ஹனுமான், கணேஷ் மற்றும் பல கடவுள்களின் ஆலயங்களாக திகழ்கிறது.

 1999 முதல் பல்வேறு தெய்வங்களை நிறுவும் பணி நடந்தது. விநாயகப் பெருமானின் கோவிலுக்கான கும்பாபிஷேகம் தான் ஸ்ரீ வெங்கடேஸ்வரா கோயிலின் முதல் மைல்கல் ஆகும். அதன் பிறகு முருகனுக்கு சந்நிதி 2000 -ஆம் ஆண்டில் பிரதிஷ்டை செய்யப்பட்டது, அதைத் தொடர்ந்து 2003 -இல் நவக்கிரகங்களுக்கான சன்னதி.

இந்துக் கடவுளான விஷ்ணுவின் வடிவில் வைஷ்ணவ நடைமுறையால் ஈர்க்கப்பட்ட இந்த கோயில், இங்கிலாந்தின் மேற்கு மிட்லாண்ட்ஸின் டிவிடேலில் அமைந்துள்ளது. இப்பகுதி பர்மிங்காம் நகரின் வடமேற்கில் உள்ள ஓல்ட்பரி மற்றும் டிப்டனின் புறநகர் பகுதிகளுக்கு நடுவில் அமைந்துள்ளது.
அரை நூற்றாண்டுக்கு முன்பு ஊன்றிய அதன் வேர்களிலிருந்து, படிப்படியாக வளர்ந்து வரும் இந்த இந்து கோவில் பாலாஜி கோவில் என்றும் பிரபலமாக அறியப்படுகிறது. இங்கிலாந்து மற்றும் ஐரோப்பாவில் மிகப் பெரியதாகவும் கருதப்படுகிறது.

ஒவ்வொரு ஆண்டும், அதிகரித்து வரும் பக்தர்கள் மற்றும் பார்வையாளர்கள், தற்போது கிட்டத்தட்ட அரை மில்லியன் பக்தர்கள் கோயிலுக்கு வருகிறார்கள். பள்ளிகள், கல்லூரிகள் மற்றும் பல்கலைக்கழகங்களில் இருந்து 10,000 க்கும் மேற்பட்ட மாணவர்கள் உட்பட பல வருகை தரும் குழுக்கள், வழிகாட்டுதல் சுற்றுப்பயணத்திற்காக கோயிலுக்கு வருகிறார்கள். விசாலமான உணவருந்தும் கூடத்தில் இருக்கைகள் மற்றும் சூடேற்றும் சாதனங்கள் அமைக்கப்பட்டு அனுதினமும் பக்தர்களுக்கு மதிய உணவு வழங்கப்படுகிறது.

விரிவான நிலப்பரப்புகளை கொண்ட கோயில் வளாகத்தில் பல்வேறு நல திட்டங்கள், வளர்ச்சிப்பணிகள் இன்னும் தொடர்ந்துகொண்டிருக்கிறது.  வருடந்தோறும் கோயிலின் சுற்றுப்புறமும் அதன் பௌதிக அமைப்பும் மெருகேறிக் கொண்டிருப்பது அழகு தான்..

இங்கிலாந்திலிருந்து சங்கர் 🎋