கலைஞர் மகளிர் உரிமை தொகை வழங்கிய முதல்வருக்கு நன்றி தெரிவிக்கும் வகையில் ஈரோடு வடக்கு மாவட்ட திமுக விவசாய அணி மற்றும் தன்னார்வலர்கள் இணைந்து நடத்திய இரு சக்கர வாகன பேரணி நடைபெற்றது.
பேரணியை டெல்லி சிறப்பு பிரதிநிதியும்,கழக விவசாய அணி செயலாளருமான ஏ. கே. எஸ். விஜயன் தொடக்கி வைத்தார். மாநில விவசாய அணி இணைச் செயலாளர் கள்ளிப்பட்டி மணி வரவேற்றார். இதில் 200 -க்கும் மேற்பட்ட வாகனங்கள் கலந்து கொண்டன.
இதில் கழக துணை பொது செயலாளர் அந்தியூர் ப. செல்வராஜ், மாநில விவசாய அணி இணை செயலாளர்கள் எல்.பி. தர்மலிங்கம், குறிஞ்சி சிவக்குமார், மாநில நிர்வாகி சிந்து ரவிச்சந்திரன் வடக்கு மாவட்ட செயலாளர் என். நல்லசிவம், அந்தியூர் சட்ட மன்ற உறுப்பினர் ஏ. ஜி. வெங்கடாச்சலம், வடக்கு மாவட்ட விவசாய அணி அமைப்பாளர் சம்பத் உட்பட பலரும் கலந்து கொண்டனர்.
