புதுக்கோட்டை சமஸ்தானத்தின் கடைசி மன்னர் ராஜகோபால தொண்டைமானின் நூறாவது பிறந்த நாளை முன்னிட்டு அவரது உருவச்சிலைக்கு மார்க்சிஸ்ட் கம்யூனிஸ்ட் கட்சி எம்எல்ஏ சின்னத்துரை தலைமையில் கட்சியின் மாவட்டக்குழு நிர்வாகிகள் மாலை அணிவித்து மரியாதை செய்தனர்.
புதுக்கோட்டை மாவட்ட ஆட்சியர் அலுவலகம் முன்பாக உள்ள மன்னரின் சிலைக்கு கட்சியின் மாநிலக்குழு உறுப்பினர் எம்.சின்னதுரை எம்எல்ஏ மாவட்டச் செயலாளர் எஸ்.கவிவர்மன் ஆகியோர் மாலை அணிவித்து மரியாதை செலுத்தினார். இந்நிகழ்வில் மாவட்ட செயற்குழு உறுப்பினர்கள் ஏ.ஸ்ரீதர், ஜி.நாகராஜன், சு.மதியழகன், துரை.நாராயணன், எஸ்.ஜனார்த்தனன், நகரச் செயலாளர் ஆர்.சோலையப்பன் உள்ளிட்டோர் பங்கேற்றனர்.
