மாநில அளவிலான நீச்சல் போட்டியில் ஸ்ரீ வெங்கடேஸ்வரா மெட்ரிக், மேல்நிலைப் பள்ளி மாணவி இரண்டாமிடம் பெற்று சாதனை படைத்துள்ளார்.
புதுக்கோட்டை திருக்கோகர்ணம் ஸ்ரீ வெங்கடேஸ்வரா மெட்ரிக்.மேல்நிலைப்பள்ளி ஐந்தாம் வகுப்பு மாணவி தேவிகா மாநில அளவிலான நீச்சல் போட்டியில் வெற்றிபெற்று சாதனை புரிந்துள்ளார்.
தமிழ்நாடு அக்வாட்டிக் அசோசியேசன் மாநில அளவிலான நீச்சல் போட்டியை மதுரையில் நடத்தியது. மாநிலத்தின் பல்வேறு பகுதிகளிலிருந்து நூற்றுக்கும் மேற்பட்ட மாணவர்கள் நீச்சல் போட்டியில் கலந்துகொண்டனர்.
அதில் ஸ்ரீ வெங்கடேஸ்வரா மெட்ரிக்.மேல்நிலைப்பள்ளியில் ஐந்தாம் வகுப்பு பயிலும் மாணவி தேவிகா 25மீ பிரஸ்ட் ஸ்ட்ரோக் பிரிவில் மாநில அளவில் இரண்டாம் இடம்பெற்று வெற்றி பெற்றுள்ளார்.
மாநில அளவிலான நீச்சல் போட்டியில் கலந்து கொண்டு இரண்டாம் இடம் பெற்று பள்ளிக்குப் பெருமை சேர்த்த மாணவி தேவிகாவை பள்ளியின் முதல்வர் கவிஞர் தங்கம் மூர்த்தி பாராட்டி புத்தகங்கள் வழங்கி வாழ்த்துகளைத் தெரிவித்தார். நீச்சல் போட்டியில் வெற்றி பெற்ற மாணவிக்கு துணை முதல்வர் உள்ளிட்ட ஆசிரியப் பெருமக்கள் வாழ்த்துகளை தெரிவித்தனர்.
