மாநில அளவிலான ஐவர் கால்பந்து போட்டியில் ஈரோடு அணி 2 -ஆம் இடத்தை வென்றது.
ஈரோடு: கோவை மாவட்டம் அன்னூரில் மாநில அளவிலான ஐவர் கால்பந்து போட்டி நடந்தது. 11, 13, 15, 17 வயது வாரியாக போட்டிகள் நடத்தப்பட்டன. இதில், கோவை, திருப்பூர், ஈரோடு, நாமக்கல், சேலம் மற்றும் கேரளா, கர்நாடகா மாநிலத்தை சேர்ந்த 20 அணிகள் பங்கேற்றன.
இறுதி போட்டியில் திருப்பூர் அணியும், ஈரோடு ஹாக்ஸ் அணியும் மோதின. இதில், 2 -க்கு 1 என்ற கோல் கணக்கில் திருப்பூர் அணி முதலிடத்தையும், ஈரோடு அணி இரண்டாவது இடத்தையும் பிடித்தனர். இரண்டாம் இடத்தை பிடித்த ஶ்ரீஹரி, ரோகித், மிதுன், ஜீவா, சாந்தனு, ஜூடோ சாரன், தரணீஷ் ஆகியோரை அணியின் பயிற்சியாளர் ராஜகோபால், கவுதம், மனோஜ் பாராட்டி வாழ்த்தினர்.இதையடுத்து வெற்றி பெற்ற அணிகளுக்கு கோப்பை மற்றும் கேடயம் வழங்கப்பட்டது.
