மகாகவி பாரதியாரின் 140 -ஆவது பிறந்த நாளை பாடல் பாடி,கவிதை வாசித்து கொண்டாடிய ஸ்ரீ வெங்கடேஸ்வரா மெட்ரிக். மேல்நிலைப்பள்ளி மாணவர்கள்
புதுக்கோட்டை, திருக்கோகர்ணம் ஸ்ரீ வெங்கடேஸ்வரா மெட்ரிக். மேல்நிலைப் பள்ளியில் பாரதியாரின் 140-ஆவது பிறந்தநாள் விழாவில் பாரதியாரின் படத்திற்கு பள்ளிமா ணவர்கள் பாரதியின் புத்தகத்தை கையில் ஏந்தி மலர் தூவி மரியாதை செலுத்தினர்.
இந்நிகழ்வில் பள்ளி மாணவி கே.கே. தர்ஷனா பாரதியாரின் பாடல்களை பாடினார். தேச விடுதலைக்காகவும் பெண் விடுதலைக்காகவும் சமூக நல்லிணக்கத்திற்காகவும் பாடல்களை, கவிதைகளை, கட்டுரைகளை எழுதி விழிப்புணர்வூட்டிய மகாகவி பாரதியின் பிறந்த நாள் விழாவைக் கொண்டாடும் விதமாக பள்ளி மாணவர்கள் பாரதியின் திருவுருவப் படத்திற்கு மலர்தூவி மரியாதைச் செலுத்தினர்.
இந்நிகழ்வில் பள்ளியின் முதல்வர் கவிஞர் தங்கம் மூர்த்தி கலந்துகொண்டு பாரதியார் பற்றிய செய்திகளை பகிர்ந்துக் கொண்டார். மேலும் துணை முதல்வர் குமாரவேல் உள்ளிட்ட ஏராளமான பள்ளி ஆசிரியர்களும் பள்ளி மாணவர்களும் மலர் தூவி மரியாதை செய்தனர்.
