எண்ணூர் தனியார் உரத்தொழிற்சாலையை நிரந்தரமாக மூட வேண்டுமென வலியறுத்தி கிராம மக்கள் தொடர் போராட்டத்தில் ஈடுபட்டு வருகின்றனர்.
சென்னை எண்ணூரில் அம்மோனியா வாயு கசிவு ஏற்பட்ட தனியார் உரத் தொழிற்சாலையை நிரந்தரமாக மூட நடவடிக்கைகளை மேற்கொள்ள வேண்டும் என இப்பகுதி மீனவ கிராமத்தைச் சேர்ந்த பொதுமக்கள் இரண்டாவது நாளாக தொடர்ந்து போராட்டத்தில் ஈடுபட்டு வருகின்றனர்.
சென்னை எண்ணூரில் கோரமண்டல் இன்டர்நேஷனல் என்ற தனியார் உரத் தொழிற்சாலை இயங்கி வருகிறது. இங்கு செவ்வாய்க்கிழமை நள்ளிரவு அம்மோனியா வாயுக் கசிவு ஏற்பட்டது. இதனை எடுத்து இப்பகுதியில் வசித்து வந்த பத்துக்கும் மேற்பட்ட கிராமங்களை சேர்ந்த பொதுமக்கள் உடனடியாக அங்கிருந்து அப்புறப்படுத்தப்பட்டனர்.
இப்போராட்டம் வியாழக்கிழமை இரவு வரை நீடித்தது. போராட்டத்தை முடிவுக்கு கொண்டு வர அரசு மற்றும் தனியார் உரத் தொழிற்சாலை தரப்பில் பேச்சுவார்த்தை நடைபெற்று வருகிறது இருப்பினும் ஆலையை நிரந்தரமாக மூடும் வரை தொடர் போராட்டத்தில் ஈடுபடுவோம் என போராட்டத்தில் ஈடுபட்டுள்ள உறுதிபடத் தெரிவித்தனர்.
