திருப்பத்தூர் மாவட்டம், திருப்பத்தூர் மாவட்ட ஆட்சியர் வளாகத்தில் நேற்று குழந்தைகள் தின விழா நடைபெற்றது. இதில் குழந்தைகள் நலன் மற்றும் சிறப்பு சேவைகள் துறை மாவட்ட குழந்தைகள் பாதுகாப்பு குழந்தைகளின் உரிமைகளை பொதுமக்கள் அறிந்திடும் வண்ணம் விழிப்புணர்வு பேரணி நடைபெற்றது.
திருப்பத்தூர் மாவட்ட ஆட்சியர் தர்ப்பகராஜ் மற்றும் மாவட்ட காவல் கண்காணிப்பாளர் ஸ்ரேயா குப்தா கொடி அசைத்து துவக்கி வைத்தனர்.
பின்னர் குழந்தைகளின் உரிமைகளை பொதுமக்கள் அறிந்திடும் வண்ணம் விழிப்புணர்வு பலகையில் மாவட்ட ஆட்சியர் தர்ப்பகராஜ், மாவட்ட காவல் கண்காணிப்பாளர் ஸ்ரேயா குப்தா கையெழுத்திட்டனர். இதனைத்தொடர்ந்து பள்ளி மாணவிகளும் கையெழுத்திட்டனர்.
பேரணியில் நூற்றுக்கு மேற்பட்ட மாணவ, மாணவிகள் கலந்துகொண்டு குழந்தைகள் பாதுகாப்பை குறித்து மாவட்ட ஆட்சியர் வளாகத்தில் இருந்து தூயநெஞ்ச கல்லூரி வரை விழிப்புணர்வை ஏற்படுத்தும் வகையில் நாட்றம்பள்ளி மதர் தெரசா இன்ஸ்டியூட் ஆப் ஹெல்த் சயின்ஸ் மாணவ, மாணவிகள் பதாகைகள் ஏந்திச் சென்றனர்.
