துணை முதல்வர் பிறந்த நாளில் பிறந்த குழந்தைகளுக்கு தங்க மோதிரம்

தமிழக துணை முதல்வரும் திமுக இளைஞரணி தலைவருமான உதயநிதி ஸ்டாலின் பிறந்தநாள் இன்று திமுக கழக நிர்வாகிகளால் சிறப்பாக தமிழக முழுவதும் கொண்டாடப்பட்டது.

திமுக இளைஞரணி சார்பில் துணை முதல்வரின் பிறந்தநாள் கொண்டாட்டங்கள் தமிழக முழுவதும் திமுக கழக கொடி கம்பங்களில் கொடியேற்றையும் அன்னதானங்கள் நல திட்ட உதவிகள் என நடைபெற்றது.

அவ்வகையில் காஞ்சிபுரம் மாவட்ட இளைஞரணி சார்பில் தெற்கு மாவட்ட அமைப்பாளர் யுவராஜ் ஏற்பாட்டின் பேரில் காஞ்சிபுரம் மாவட்ட அரசு தலைமை மருத்துவமனையில் இன்று அதிகாலை 12 மணி முதல் மாலை 6 மணி வரை பிறந்த 17 குழந்தைகளுக்கு தங்க மோதிரம் மற்றும் குழந்தைகள் நலம் காக்க பயன்படுத்தப்படும் பொருட்கள் ஆகியவற்றினை காஞ்சிபுரம் தெற்கு மாவட்ட திமுக செயலாளரும் உத்திரமேரூர் சட்டமன்ற உறுப்பினருமான சுந்தர், காஞ்சிபுரம் சட்டமன்ற உறுப்பினர் எழிலரசன் காஞ்சிபுரம் மாநகராட்சி மேயர் மகாலட்சுமி யுவராஜ் உள்ளிட்ட திமுகவினர் குழந்தைகளின் கைகளில் தங்க மோதிரம் மாட்டியும்,  பெற்றோர்களிடம் குழந்தைகளுக்கு தேவையான பொருட்களையும் வழங்கினர்.

இந்நிகழ்ச்சியில் மாமன்ற உறுப்பினர்கள்,  மண்டலக் குழு தலைவர்கள், இளைஞர் அணி நிர்வாகிகள்,  திமுக நிர்வாகிகள் என பலர் கலந்து கொண்டனர்.