மத்திய அரசின் கல்வி மற்றும் திறன் மேம்பாட்டு துறை அமைச்சர் தர்மேந்திர பிரதான் இரண்டு நாள் பயணமாக தமிழகம் வந்துள்ளார்.
ஸ்ரீபெரும்புதூர் மற்றும் காஞ்சிபுரம் பகுதிகளில் நடைபெறும் பல்வேறு நிகழ்ச்சிகளில் கலந்து கொள்கிறார்.
இந்நிலையில் உலக பிரசித்தி பெற்ற காஞ்சிபுரம் காமாட்சி அம்மன் கோவிலுக்கு சுவாமி தரிசனம் செய்ய மத்திய அமைச்சர் வருகை தந்தார்.
காமாட்சி அம்மன் கோவிலுக்கு வருகை தந்த மத்திய அமைச்சருக்கு கோவில் நிர்வாகம் சார்பாக கோவில் ஸ்ரீகாரியம் சுந்தரேசன் ஐயர் தலைமையில் கோவில் நிர்வாகம் சார்பில் மேளதாளம் முழங்க சிறப்பு வரவேற்பு அளிக்கப்பட்டது.
இதனைத் தொடர்ந்து மத்திய அமைச்சர் கோவிலுக்கு சென்று காஞ்சி காமாட்சி அம்மனை தரிசனம் செய்து சிறப்பு வழிபாடு மேற்கொண்டார்.
மத்திய அமைச்சருடன் பாஜக மாவட்ட தலைவர் கே.எஸ். பாபு மற்றும் பாஜக நிர்வாகிகள் உடன் வந்தனர்.
முன்னதாக காஞ்சிபுரம் மாவட்ட நிர்வாகம் சார்பில் காஞ்சிபுரம் சார் ஆட்சியர் ஆசிப் அலி மத்திய கல்வி அமைச்சர் தர்மேந்திர பிரதானக்கு பூங்கொத்து கொடுத்து வரவேற்பு அளித்தார்.
இதனைத் தொடர்ந்து காஞ்சிபுரம் ஏனாத்தூரில் அமைந்துள்ள சங்கரா பல்கலைக்கழக நிகழ்ச்சியில் கலந்து சென்று உள்ளார்.
