உடைந்துவிழும் அபாய நிலையில் மின்கம்பம் : மாற்றித்தர மக்கள் கோரிக்கை..!

உசிலம்பட்டி அருகே பொதுமக்களை அச்சுறுத்தும் மின்கம்பம். புதிய மின்கம்பம் அமைத்து தர பொதுமக்கள் கோரிக்கை.

உசிலம்பட்டி :

மதுரை மாவட்டம், உசிலம்பட்டி அருகே மேக்கிழார்பட்டி ஊராட்சிக்குட்பட்ட மாருதி நகரில் சிமெண்ட் மின் கம்பம் வெடித்து சிதிலம் அடைந்துள்ளது. கம்பிகள் துருப்பிடித்து, இப்ப விழுமோ எப்ப விழுமோ என்று பொதுமக்களை அச்சுறுத்தும் வகையில் உள்ளது.

இதுகுறித்து, உசிலம்பட்டி மின்வாரிய அலுவலகத்தில் பலமுறை புகார் தெரிவித்தும், எந்த நடவடிக்கையும் எடுக்கவில்லை என கூறப்படுகிறது. மேலும், சிதலமடைந்த சிமெண்ட் மின் கம்பத்தால் சேதங்கள் ஏற்படும் முன் அதை அகற்றி புதிய மின்கம்பம் அமைத்த தர பொதுமக்கள் கோரிக்கை விடுத்துள்ளனர்.