திருவள்ளூர்:
தேசிய தலைவர் திரைப்படத்தின் கதாநாயகன் ஜெ.எம்.பஷீர் திருவள்ளூர் பஸ் நிலையம் அருகிலுள்ள டாக்டர் அம்பேத்கர் சிலைக்கு மாலை அணிவித்து மரியாதை செலுத்தி புதுமனை புகு விழாவில் பங்கேற்றார்.
தேசிய தலைவர் திரை படத்தின் கதா நாயகன் ஜெ எம் பஷீர் திருவள்ளூர் அருகே ஈக்காடு பகுதியில் புதுமனை புகுவிழாவில் கலந்து கொள்ள வந்தார். அவர் திருவள்ளூர் வந்தபோது முன்னதாக பஸ் நிலையம் அருகிலுள்ள டாக்டர் அம்பேத்கர் சிலைக்கு மாலை அணிவித்து மரியாதை செலுத்தினார்.
அதனைத் தொடர்ந்து அங்கிருந்து புறப்பட்டு ஈக்காடு வெற்றி இன்ஸ்டியூட் அருகில் ரிஸ்வான் அவர்களின் புதுமனை புகு விழாவில் கலந்து கொண்டு குத்துவிளக்கேற்றி விழாவை தொடங்கி வைத்து பரிசு வழங்கி சிறப்பித்தார்.
முன்னதாக ஜெ.எம்.பஷீர் அவர்களுக்கு பேண்ட், மேலும் வாத்தியங்கள் முழங்க உற்சாக வரவேற்பு அளித்தனர். தொடர்ந்து சால்வைகள் அணிவித்து கௌரவித்தனர்.இந்த விழாவில் ஏராளமானோர் கலந்து கொண்டனர்.
