உசிலம்பட்டி:
மதுரை, உசிலம்பட்டி அருகே, தமிழக வெற்றி கழக தலைவர் விஜய் பிறந்த நாளை முன்னிட்டு மதுரை புறநகர் மேற்கு மாவட்ட செயலாளர் விஜய் மகாலிங்கம் தலைமையிலான நிர்வாகிகள் 500 க்கும் மேற்பட்டோருக்கு நலத்திட்ட உதவிகளை வழங்கி கொண்டாடினர்.
தமிழக வெற்றி கழக தலைவரும், நடிகருமான, விஜய்-ன் 51-வது பிறந்த நாளை முன்னிட்டு தமிழ்நாடு முழுவதும் அவரது கட்சி நிர்வாகிகள் பல்வேறு நலத்திட்ட உதவிகளை வழங்கி கொண்டாடி வருகின்றனர்.
இதன் ஒரு பகுதியாக, மதுரை மாவட்டம், உசிலம்பட்டி அருகே, அத்திபட்டி கிராமத்தில் தவெக தலைவர் விஜய் பிறந்த நாளை முன்னிட்டு தவெக மதுரை புறநகர் மேற்கு மாவட்ட கழகத்தின் சார்பில் நலத்திட்ட உதவிகள் வழங்கப்பட்டது.
பள்ளியில் அதிக மதிப்பெண் பெற்ற மாணவ மாணவிகளுக்கு கேடயத்துடன் பரிசுகளும், விவசாயிகளுக்கு பச்சை வேட்டி துண்டு, துய்மை பணியாளர்களுக்கு அரிசி, பருப்பு உள்ளிட்ட மளிகை பொருட்கள், பெண்களுக்கு சேலை உள்ளிட்ட பல்வேறு வகையான நலத்திட்ட உதவிகளை மதுரை புறநகர் மேற்கு மாவட்ட செயலாளர் எஸ்.ஓ.பி. விஜய் மகாலிங்கம் தலைமையிலான நிர்வாகிகள் வழங்கி கொண்டாடினர்.
இந்நிகழ்வில், மதுரை புறநகர் மேற்கு மாவட்ட நிர்வாகிகள், உசிலம்பட்டி, சேடபட்டி, செல்லம்பட்டி ஒன்றிய நிர்வாகிகள் கலந்து கொண்டு நலத்திட்ட உதவிகளை வழங்கினர்.
