காஞ்சிபுரம் அடுத்த பரந்தூர் ஏகனாபுரம் உள்ளிட்ட 14 கிராமங்களில் உள்ளடக்கி இரண்டாவது பசுமை விமான நிலையம் அமைக்கப்படும் எனவும் அதற்காக சுமார் 4800 ஏக்கர் நிலங்கள் கையகப்படுத்தப்படும் என அறிவிக்கப்பட்டது.
இந்நிலையில் இதற்கான எதிர்ப்பு தெரிவித்து ஏகானபுரம் கிராம பொதுமக்கள் தங்கள் எதிர்ப்பை இன்று வரை தெரிவித்து வருகின்றனர்.
இந்நிலையில் இன்று மூன்று மண்டலங்களை சேர்ந்த பல்வேறு கிராமங்களில் நிலம் உள்ள நபர்களை கடந்த வாரம் மாவட்ட ஆட்சியர் அழைத்து நில தர சம்மதம் கேட்டு விருப்ப கடிதம் தருமாறு கேட்டுக்கொண்டார்.
அதன் அடிப்படையில் பரந்தூர் அக்கமாபுரம் நெல்வாய் உள்ளிட்ட பகுதிகளை சேர்ந்த 19 நில உரிமையாளர்கள் தங்கள் நிலம் தர சம்மதம் தெரிவித்து பூர்வமான கடிதம் அளித்ததின் பேரில் இன்று காஞ்சிபுரம் தாலுகா அலுவலக வளாகத்தில் உள்ள இரண்டு மற்றும் நான்கு இணை சார் பதிவாளர் அலுவலகத்தில் பத்திரப்பதிவு செய்யப்பட்டது.
கடந்த சில தினங்களுக்கு முன்பு தமிழக வெற்றிக்கழக நிறுவனர் விஜய் பரந்தூர் மக்களை தலைமை செயலகத்திற்கு அழைத்து சென்று போராட தயார் என்று கூறிவந்த நிலையில் அதனை முறியடிக்கும் வகையில் 16ஆம் தேதி முதல் 19ஆம் தேதி வரை நடைபெற இருந்த பத்திரப்பதிவு முன்கூட்டியே துவங்கியுள்ளதாகவும் கூறுகின்றனர்.
இதுகுறித்து நிலம் தந்த உரிமையாளர்கள் கூறுகையில் , மாவட்ட ஆட்சியர் அழைத்து இதற்கான கூட்டம் நடத்தி நிலம் தர சம்மதம் தெரிவித்தாள் இழப்பீட்டுத் தொகை பத்திரப்பதிவு நடந்த 24 மணி நேரத்தில் அவர்களின் வங்கி கணக்கில் வரவு வைக்கப்படும் என தெரிவித்தும் 30 நிமிடங்களில் பத்திரப்பதிவு நிறைவுபெறும் இடம் தெரிவித்தார்.
ஆனால் நில வழிகாட்டி மதிப்போம் 2013இல் இருந்த தொகை அடிப்படையில் தற்போது வழங்கப்பட்டு வருவது தங்களுக்கு வருத்தம் அளிப்பதாகவும், பத்திரப்பதிவு அலுவலகத்தில் அதிக நேரம் காத்திருக்கும் நிலையும் இன்று ஏற்பட்டதாகவும் இனி வருங்காலங்களில் இதற்கான சிறப்பு பத்திரப்பதிவு அலுவலகம் திறக்கப்பட்டு அங்கு இதுபோன்ற விஷயங்களுக்கு மட்டுமே பதிவு மேற்கொள்ள நடவடிக்கை எடுக்க வேண்டும் எனவும் தெரிவிக்கின்றனர்.
