புதுக்கோட்டை புத்தகத்திருவிழாவின் கந்தர்வக்கோட்டை ஒருங்கிணைப்புக் குழுவினர் முன்னிலையில் புதுக்கோட்டை புத்தகத் திருவிழாவுக்கான விளம்பர பதாகையை சட்டப் பேரவை உறுப்பினர் எம்.சின்னத்துரை வெளிட்டார்.
புதுக்கோட்டை புத்தகத் திருவிழாவை சிறப்பாக கொண்டாடுவது தொடர்பாக மாவட்ட மற்றும் வட்டார அள விலான ஒருங்கிணைப்பாளர்கள் மாவட்டம் முழுவதும் தீவிரமாக பிரசாரம் செய்து வருகின்றனர்.
இதைத்தொடர்ந்து, கந்தர்வகோட்டை வட்டார வளமையம் அலுவலகம் பொறுப்பு மேற்பார்வையாளர் பிரகாஷ், வட்டார கல்வி அலுவலர் வெங்கடேஸ்வரி ஆகியோரை சந்தித்து பதா கைகள் அளித்து விழிப்புணர்வு ஏற்படுத்தினர்.
ஜூலை 7-ஆம் தேதி கல்லூரி மாணவர்கள் பங்கு பெறும் புதுக்கோட்டை வாசிக்கிறது நிகழ்ச்சியும் 12-ஆம் தேதி பள்ளி மாணவர்களுக்கான கலை இலக்கிய பேச்சு கட்டுரை, கவிதை, ஓவிய போட்டிகள் கந்தர்வகோட்டை ஊராட்சி ஒன்றிய நடுநிலைப்பள்ளியில் நடைபெறுகின்றன.
இதில் கலந்து கொண்டுவெற்றி பெறுபவர்களுக்கு மாவட்ட அளவிலான போட்டிகள் ஜூலை 14 ஆம் தேதி புதுக்கோட்டை பிரகதாம்பாள் அரசு மேல்நிலைப் பள்ளியிலும், இதேபோல, கல்லூரி மாணவர்களுக்கான போட்டிகள் ஜூலை 24-ஆம் தேதி புதுக்கோட்டை மன்னர் கல்லூரியும் நடைபெறுகிறது. இதில் வெற்றி பெறும் மாணவர்களுக்கு புத்தகத் திருவிழாவில் மாவட்ட ஆட்சியர் பரிசுகளையும் பாராட்டு சான்றுகளையும் வழங்குவார் என்றும். இதில் அனைத்து மாணவர்களும் கலந்து கொள்ள வேண்டும் என்றும் விழாக் குழுவினர் வலியுறுத்தினர்.
இந்த பிரசார பணியில் தொல்லியல் ஆய்வு கழக நிறுவனர் மணிகண்டன், அறிவியல் இயக்க மாவட்டச் செயலர் மு. முத் துக்குமார், மாவட்ட இணைச் செயலாளர் கு.துரையசன், அறி வியல் இயக்கவட்டாரத் தலைவர் அ.ரகமதுல்லா செயலாளர் எம். சின்னராஜா ஆகியோர் கலந்துகொண்டனர்.
