புதுக்கோட்டை காவல் துறையினரால் கைப்பற்றப்பட்ட உரிமை கோரப்படாத வாகனங்களின் ஏலம் விடப்படும் தேதி மாற்றப்பட்டுள்ளதாக காவல்துறை அறிவித்துள்ளது.
இது தொடர்பாக மாவட்ட காவல்கண்காணிப்பாளர் நிஷாபார்த்திபன் வெளியிட்ட தகவல்: புதுக்கோட்டை மாவட்டத்தில் உள்ள காவல் நிலைய எல்லைக்குட்பட்ட பகுதிகளில் உரிமை கோரப்படாத கேட்பாரற்ற நிலையில் இருந்த 10 நான்கு சக்கர வாகனங்கள் , 1 மூன்று சக்கர வாகனம் மற்றும் 355 இரண்டு சக்கர வாகனங்கள் என மொத்தம் 366 வாகனங்கள் வருகின்ற 29.03.2022 – ஆம் தேதி காலை 10.00 மணிக்கு புதுக்கோட்டை மாவட்ட ஆயுதப்படை மைதானத்தில் வைத்து பொது ஏலத்தில் விடப்படும் என்று ஏற்கெனவே அறிவிக்கப்பட்டிருந்தது.
பொது வேலை நிறுத்தம் காரணமாக ஏலத் தேதி வரும் 29.03.2022 – ஆம் தேதிக்கு பதிலாக 30.03.2020 – ஆம் தேதி (புதன்கிழமை) காலை 10 மணிக்கு ஏலம் விடப்படும்.
ஏலம் எடுக்க விரும்புவோர் வருகின்ற 29.03.2022 – ஆம் தேதி மாலை 5 மணி வரை புதுக்கோட்டை மாவட்ட ஆயுதப்படை வளாகத்தில் நிறுத்தி வைக்கப்பட்டுள்ள வாகனங்களை பார்வையிடலாம்.
வாகனங்களை ஏலம் எடுக்க விரும்புவோர் மாவட்ட காவல் அலுவலகத்தில் ரூ.100 /- முன்பணம் செலுத்தி தங்களது பெயர்களை முன்பதிவு செய்து கொள்ளலாம். முன்பதிவு செய்தவர்கள் மட்டுமே ஏலம் எடுக்க அனுமதிக்கப்படுவர்.
ஏலம் எடுத்த உடன் முழு தொகை மற்றும் அதற்கான சரக்கு மற்றும் சேவை வரி (GST இருசக்கர வாகனங்களுக்கு 12% மற்றும் நான்கு சக்கர வாகனங்களுக்கு 18%) முழுவதையும் அரசுக்கு அன்றே ரொக்கமாக செலுத்தி வாகனத்தை பெற்று கொள்ளலாம்.
