சீனக் குடும்பம் ஒன்று, இரண்டு வருடங்களாக திபெத்திய மாஸ்டிஃப் நாய்க்குட்டி என்று நினைத்து ஒரு செல்லப் பிராணியை வளர்த்து வந்துள்ளனர். அந்த விலங்கின் நடத்தையில் சந்தேகம் ஏற்பட்டதால், அவர்கள் நிபுணர்களின் உதவியை நாடினர். அந்த விலங்கு ஒரு நாய் அல்ல, ஆனால் அது ஒரு ஆசிய கருப்பு கரடி, அழிந்து வரும் இனத்தை சேர்ந்தது என தெரியவந்தது.
ஒரு நாயை தத்தெடுப்பதாக சீன குடும்பம் ஒன்று நினைத்து, அதனை இரண்டு வருடங்களாக வளர்த்தும் வந்துள்ளனர். இருப்பினும், விரைவில் அவர்கள் உண்மையை உணர்ந்துள்ளது ஆச்சரியமாக இருந்தது. ஒரு கரடியை நாய் என்று தவறாக யூகிக்கப்பட்டதுதான்.
சீனாவின் யுனான் மாகாணத்தில் உள்ள குன்மிங் நகருக்கு வெளியே உள்ள ஒரு தொலைதூர கிராமத்தைச் சேர்ந்த சு யுன் என்ற பெண், கடந்த 2016 ஆம் ஆண்டு விடுமுறையின் போது திபெத்திய மாஸ்டிஃப் நாய்க்குட்டியை தத்தெடுத்தார். நாய்க்குட்டி மிகப்பெரியதாக காணப்பட்டது. மேலும் நாய்க்குட்டிக்கு அதிக பசியுடன் இருப்பது வழக்கத்திற்கு மாறானது என்று அந்தப் பெண் நினைத்தார். ஆனால் அது தனது செல்லப்பிராணியின் வளர்ச்சிக்குத் தேவையான அனைத்தையும் அளித்து அதை கவனித்துக்கொள்வதைத் ஒருபோதும் நிறுத்தவில்லை.
அது வளர்ந்தவுடன், அதன் நடத்தை எந்த நாயைப் போலல்லாமல் இருந்து வந்துள்ளது. இதனால் சந்தேகமடைந்த அந்த பெண், நிபுணர்களை அணுக முடிவு செய்தார். பின்னர் ஊடகம் ஒன்றுக்கு அளித்த பேட்டியில், “அவர் எவ்வளவு அதிகமாக வளர்ந்தாலும், அவர் ஒரு கரடியைப் போல தோற்றமளித்து” என்று அந்த பெண் சீன ஊடகமொன்றுக்கு தெரிவித்தார்.
அவரது சந்தேகத்தை உண்மையாக்கும் வகையில், அந்தப் பெண்ணிடம் அவர் வீட்டில் வளர்க்கும் விலங்கு ஆசியக் கரும்புலி, அழிந்து வரும் பட்டியலில் உள்ள இனம் என்று கூறப்பட்டது. இதையடுத்து, யுன்னான் வனவிலங்கு மீட்புத் துறையினர் அந்த விலங்கைக் கைப்பற்றினர். அவர்கள் முதலில் கரடியை அமைதிப்படுத்தி பின்னர் கூண்டுக்குள் கொண்டு சென்றனர்.
2018 ஆம் ஆண்டு முதல் முறையாக இந்த வினோதமான கதை வைரலானது. ஆனால், சமீபத்தில் இந்த செய்தி மீண்டும் வைரலானது. அப்போது, அந்த மிருகத்தின் வீடியோ வெளியாகி பெரும் பரபரப்பை ஏற்படுத்தியது. கரடி அதன் மார்பில் ஒரு வெள்ளை அடையாளத்துடன் காணப்பட்டது. இது ஒரு பாதிக்கப்படக்கூடிய இனமாக பிரதிபலிக்கிறது.
