சிவகங்கை, ஆக. 23: சிவகங்கையிலுள்ள பிஎம் ஶ்ரீ கேந்திரிய வித்யாலயா பள்ளியில் பதினெட்டாம் ஆண்டு விழா கொண்டாடப்பட்டது.
விழாவுக்கு மாவட்டஆட்சியர் ஆஷா அஜித் தலைமை வகித்து குத்துவிளக்கேற்றி வைத்து பேசுகையில், மாணவர்கள் கல்வியில் மட்டுமன்றி கலை மற்றும் விளையாட்டுகளில் சிறந்து விளங்குமாறு அறிவுறுத்தினார்.
முன்னதாக மாலை 5 மணிக்கு சரஸ்வதி வாழ்த்துடன் தொடங்கிய ஆண்டு விழா நிகழ்ச்சிகள் இரவு 9 மணிவரை நடைபெற்றன. தொடர்ந்து மாணவர்களின் கலை நிகழ்ச்சிகள் நடைபெற்றது. படிப்பு மற்றும் விளையாட்டுகளில் சிறந்து விளங்கிய மாணவர்களுக்கு பரிசுகள் வழங்கப்பட்டது.
மேலும் சென்ற ஆண்டில் 100% தேர்ச்சி பெற்று தந்த ஆசிரியர்களுக்கு சான்றிதழ்கள் வழங்கப்பட்டன. முன்னதாக பள்ளியின் முதல்வர் மனோஜ்குமார்ஷர்மா வரவேற்றார். நிறைவாக பள்ளியின் கணித ஆசிரியர் செல்வம் நன்றி கூறினார்.
