பூச்சி அத்திப்பட்டு ஊராட்சி ஒன்றிய தொடக்கப் பள்ளியில் உலக கழிவறை தினம் கொண்டாடப்பட்டது.
திருவள்ளூர் மாவட்டம், பெரியபாளையம் அருகே பூச்சிஅத்திப்பட்டு, ஊராட்சி ஒன்றிய தொடக்கப்பள்ளியில் கழிவறை தினம் மற்றும் விழிப்புணர்வு நிகழ்ச்சி கொண்டாடப்பட்டது.
நிகழ்ச்சிக்கு பள்ளியின் தலைமையாசிரியர் வெஸ்லி இராபர்ட் தலைமை தாங்கினார். நடைபெற்ற விழிப்புணர்வு நிகழ்ச்சியில் எல்லாபுரம் வட்டாரக்கல்வி அலுவலர்கள் கல்பனா, சுப்புலட்சுமி ஆகியோர் கலந்துகொண்டு மாணவர்களிடையே சுகாதார விழிப்புணர்வு குறித்து சிறப்புரை ஆற்றினார். இந்நிகழ்ச்சியில் ஊராட்சி மன்ற தலைவர் அன்பு, மற்றும் துணைத்தலைவர் மீனாமுருகன், கலந்துகொண்டு சிறப்பித்தனர்.
மேலும் பள்ளியின் இடைநிலை ஆசிரியர் அஜிதா பதாகைகளின் விளக்கத்தை எடுத்து கூறினார். தூய்மை பாரத இயக்கம் மூலம் மக்களிடையே சுகாதார விழிப்புணர்வு மற்றும் சுகாதார பழக்கங்களை ஏற்படுத்தும் வகையிலும் உலக கழிவறை தினம் உள்ளிட்ட நிகழ்ச்சிகள் நடைபெற்றது. இந்த நிகழ்ச்சியில் எனது கழிவறை எனது கெளரவம்,என்ற தலைப்பில் மாணவர்களிடையே பேச்சுப்போட்டியும், கட்டுரைப்போட்டியும் நடத்தப்பட்டது.இதில் பள்ளி மாணவர்கள் கிராம பொதுமக்கள், மாணவர்களின் பெற்றோர்கள் என பலர் கலந்து கொண்டனர்.
