புதுக்கோட்டை இந்திய மருத்துவ சங்க மருத்துவர்களுக்கு  நட்சத்திர விருது

புதுக்கோட்டை இந்திய மருத்துவ சங்க மருத்துவர்களுக்கு  நட்சத்திர விருது வழங்கப்பட்டது.
திருச்சி எஸ்.ஆர் எம் கல்வி குழுமத்தில்   இந்திய மருத்துவ சங்கம் சார்பில் நடைபெற்ற கருத்தரங்கு அரங்கில், சிறந்த மருத்துவர்களுக்கு  நட்சத்திரம் – 2022 விருது வழங்கப்பட்டது.

இந்திய மருத்துவ சங்க புதுக்கோட்டை கிளை நிதி செயலாளர் டாக்டர் கோபாலகிருஷ்ணன் மற்றும்  உறுப்பினர்களான டாக்டர் ராஜா, டாக்டர் கோமதி, டாக்டர் எட்வின், டாக்டர் சலீம் அப்துல் குத்தூஸ் ஆகியோருக்கு விழாவில்  சிறப்பு விருந்தினராக கலந்து கொண்ட நகர்ப்புற வளர்ச்சித்துறை அமைச்சர் கே. என். நேரு விருது வழங்கி கௌரவித்தார்.

இந்திய மருத்துவ சங்கம் தமிழ்நாடு மாநில கிளைத்  தலைவர் டாக்டர். பழனிச்சாமி, செயலாளர் டாக்டர் தியாகராஜன், எஸ்.ஆர்.எம் கல்வி குழுமம் தலைவர் டாக்டர் சிவக்குமார் மற்றும் இந்து தமிழ் திசை நாளிதழ் பொது மேலாளர் ராஜ்குமார் ஆகியோர் கலந்துகொண்டனர். விருது பெற்ற மருத்துவர்களை இந்திய மருத்துவ சங்க நிர்வாகிகள் சமூக ஆர்வலர்கள் பாராட்டினர்.