தொழிலாளர் தினமான மே தினத்தை முன்னிட்டு மார்க்சிஸ்ட் கம்யூனிஸ்ட் கட்சி மற்றும் இந்திய தொழிற்சங்க மையம் சிஐடியு சார்பில் புதுக்கோட்டை மாவட்டத்தில் 300-க்கும் மேற்பட்ட மையங்களில் செங்கொடி ஏற்றி கொண்டாடப் பட்டது.
தொழிலாளர் தினத்தை முன்னிட்டு மார்க்சிஸ்ட் கம்யூனிஸ்ட் கட்சியின் புதுக்கோட்டை மாவட்டக்குழு அலுவலகம் மற்றும் அனைத்து ஒன்றிய அலுவலகங்கள், கிளைகளில் கட்சிக்கொடி ஏற்றி மேதினம் கொண்டாடப்பட்டது.
இதேபோல சிஐடியு தொழிற்சங்கம் சார்பில் அரசுப் போக்குவரத்துப் பணிமனை கள், மின்வாரிய அலுவலகங்கள், நுகர்பொருள் வாணிபக் கழகம், ஆட்டோ நிலையங்கள், டாட்டா ஏசி வாகன நிறுத்தும் இடங்கள், ஈஐடி பாரி, பஞ்சாலை உள்ளிட்ட இடங்களில் செங்கொடி ஏற்றி இனிப்பு வழங்கி மே தினம் கொண்டாடப்பட்டது.
மார்க்சிஸ்ட் கம்யூனிஸ்ட் கட்சியின் புதுக்கோட்டை மாவட்டக்குழு அலுவலகத்தில் மாநில செயற்குழு உறுப்பினர் ஜி.சுகுமாறன் கட்சிக்கொடி ஏற்றினார். புதுக்கோட்டை சந்தைப்பேட்டை ஆட்டோ நிலையத்தில் கட்சியின் மாநில செயற்குழு உறுப்பினர் கே.சாமுவேல்ராஜ் சிஐடியு தொழில் சங்கக் கொடியேற்றினார்.
கந்தர்வகோட்டை அரசுப் போக்குவரத்துப் பணிமனை முன்பாக மாநிலக்குழு உறுப்பினர் எம்.சின்னதுரை எம்எல்ஏ சிஐடியு தொழில் சங்கக் கொடியேற்றி வைத்தார். அறந்தாங்கி நகராட்சி அலுவலகம் முன்பாக கட்சியின் மாவட்டச் செயலாளர் எஸ்.கவிவர்மன் சிஐடியு தொழில் சங்கக் கொடியேற்றி வைத்தார்.
