திருவண்ணாமலை மாவட்ட ஆதிதிராவிடா் மற்றும் பழங்குடியினா் நலத் துறை சாா்பில், தேசிய தொல்குடியினா் தின விழா நடைபெற்றது.
தண்டராம்பட்டை அடுத்த புளியம்பட்டி கிராமத்தில் இயங்கி வரும் ஏகலைவா மாதிரி உண்டு, உறைவிட மேல்நிலைப் பள்ளியில் தேசிய தொல்குடியினா் தின விழா நடைபெற்றது.
இவ்விழாவிற்கு திருவண்ணாமலை மாவட்ட பழங்குடியினா் நலத் திட்ட அலுவலா் கலைசெல்வி தலைமை வகித்தாா். தாட்கோ மாவட்ட மேலாளா் ஏழுமலை முன்னிலை வகித்தாா்.
மாவட்ட ஆட்சியா் தெ.பாஸ்கர பாண்டியன் சிறப்பு அழைப்பாளராகக் கலந்துகொண்டு பள்ளி வளாகத்தில் மரக்கன்றுகளை நட்டு வைத்தாா்.
தொடர்ந்து நிகழ்ச்சியில் மாவட்ட ஆட்சியர் பேசுகையில் கூறியதாவது:-
மரங்கள் எல்லாம் மனிதா்களின் வாழ்வுக்கு இன்றியமையாதது. மரங்கள் மூலமே மனிதா்களுக்குத் தேவையான காற்று, நீா் கிடைக்கிறது.
டோடோ என்ற பறவையை நாம் உணவுக்காக அழித்துவிட்டோம். இந்தப் பறவையின் அழிவுக்குப் பிறகு சிலவகை மரங்கள் வளரவில்லை. சுற்றுச்சூழலை பாதுகாப்பதே நம் கடமை. எனவே, மாணவா்கள் அனைவரும் மரக்கன்றுகளை நட்டு, இயற்கையைப் பாதுகாக்க வேண்டும்.
இவ்வாறு மாவட்ட ஆட்சியர் பாஸ்கர பாண்டியன் மாணவ மாணவிகளுக்கு அறிவுரை வழங்கி பேசினார்.
அதனைத் தொடர்ந்து குழந்தைகள் தின விழாவையொட்டி நடத்தப்பட்ட பேச்சு, கட்டுரை, ஓவியம் போன்ற போட்டிகளிலும், கலைப் போட்டிகள், ஓட்டப் பந்தயம், நீளம் தாண்டுதல், தொடா் ஓட்டம், கயிறு இழுத்தல், குண்டு எறிதல் போன்ற விளையாட்டுப் போட்டிகளிலும் வென்ற மாணவ, மாணவிகளுக்கு பாராட்டுச் சான்றிதழ்கள், பரிசுகளை ஆட்சியா் பாஸ்கர பாண்டியன் வழங்கினாா்.
முன்னதாக, பள்ளியில் மரக்கன்றுகள் நடும் விழாவில் மாணவ மாணவிகள் மரக்கன்றுகள் நடுவதை பார்வையிட்டார். தொடர்ந்து பள்ளியின் உணவுக் கூடத்தை பாா்வையிட்டு மாணவ, மாணவிகளுக்கு வழங்கப்படும் உணவை மாவட்ட ஆட்சியா் தெ.பாஸ்கர பாண்டியன் சாப்பிட்டு பாா்த்து, அதன் தரத்தை பரிசோதித்தாா்.
இந்நிகழ்ச்சியில், பள்ளித் தலைமை ஆசிரியா் மற்றும் ஆசிரியா், ஆசிரியைகள், மாணவ, மாணவிகள், வட்டார வளர்ச்சி அலுவலர்கள், கல்வித்துறை சார்ந்த அலுவலர்கள், பள்ளி மேலாண்மை குழு தலைவர் மற்றும் உறுப்பினர்கள், உள்ளாட்சி பிரதிநிதிகள், பொதுமக்கள் உள்பட பலா் கலந்துகொண்டனா்.
