சோழவந்தான் அருகே டிராக்டர் கடைக்குள் புகுந்ததில் டிரைவர் உள்பட இருவர் படுகாயம் :
சோழவந்தான்:
மதுரை சோழவந்தான் விவேகானந்தா கல்லூரி எதிரில் சிமெண்ட் ஏற்றி வந்த டிராக்டர் கடைக்குள் புகுந்ததில், டிரைவர் மற்றும் டீ வாங்க வந்த பெண் உள்ளிட்ட இருவர் படு காயமடைந்தனர்.
விக்கிரமங்கலம் அருகே அய்யனார் குளம் பகுதியைச் சேர்ந்தவர் பரமன் மகன் பெரிய கருப்பன். இவர் டிரைவராக உள்ளார். நேற்று இரவு ஏழு மணி அளவில் சிமெண்ட் ஏற்றிக் கொண்டு சோழவந்தான் விவேகானந்தர் கல்லூரி அருகில் சென்றபோது , பிரேக் பிடிக்காததால் ஓட்டி வந்த டாக்டர் அருகில் இருந்த கடைக்குள் புகுந்ததில் டீ வாங்க வந்த சகுந்தலா வயது 44 என்பவர் படுகாயம் அடைந்தார் .
டிராக்டர் கடைக்குள் புகுந்ததில் டிரைவருக்கும் படுகாயம் ஏற்பட்டது. அருகில் இருந்தவர்கள் சோழவந்தான் காவல் துறையினருக்கு தகவல் கொடுத்ததன் பேரில், விரைந்து வந்த காவல்துறையினர் 108 ஆம்புலன்ஸ் உதவியுடன் காயம்பட்ட இருவரையும் சோழவந்தான் அரசு மருத்துவமனைக்கு சிகிச்சைக்காக அனுப்பி வைத்தனர். இதுகுறித்து, போலீசார் விசாரித்து வருகின்றனர்.
