நாமக்கல் :
திருச்செங்கோட்டில் வருகிற 22ம் தேதி, நாமக்கல் மாவட்ட அளவிலான செஸ் போட்டி நடைபெறுகிறது.
திருச்செங்கோடு ஜே.பி ஆனந்த் செஸ் அகாடமி நடத்தும் 3-வது மாவட்ட அளவிலான செஸ் போட்டி, வருகிற 22ம் தேதி ஞாயிற்றுக்கிழமை, திருச்செங்கோடு விரிக்ஸா குளோபல் பள்ளியில் நடைபெறுகிறது.
இப்போட்டியில் நாமக்கல் மாவட்டத்தை சார்ந்த வீரர்கள் மட்டுமே பங்கேற்க முடியும். போட்டிக்கு முதன்மை நடுவராக நாமக்கல்லை சேர்ந்த பீடே செஸ் போட்டி நடுவர் முத்துகுமாரசாமி பணியாற்றுவார். போட்டிகள் 3 பிரிவுகளாக பிரிக்கப்பட்டு நடைபெறும். சீனியர் பிரிவில் வெற்றிபெறும் வீரருக்கு முதல் பரிசாக ரூ.1,500 மற்றும் கோப்பை, 2ம் பரிசாக ரூ.1000, 3ம்“ பரிசாக ரூ.800, 4ம் பரிசாக ரூ.700, 5ம் பரிசாக ரூ. 600 என மொத்தம் 15 ரொக்க பரிசுகள் வழங்கப்படும்.
8 முதல் 14 வயதுக்குட்பட்ட சிறுவர்- சிறுமியர் பிரிவில் வெற்றிபெறும் முதல் 3 வீரர்களுக்கு தலா 3 கோப்பைகள் வீதம் மொத்தம் 42 கோப்பைகளும் மற்றும் பங்குபெறும் 7 வயதுக்குட்பட்ட அனைத்து வீரர்களுக்கும் பதக்கங்கள் வழங்கப்படும்.
இது தவிர பல்வேறு சிறப்பு பரிசுகளும் வழங்கப்படும்.
இத்தொடரின் மொத்த பரிசுத் தொகையின் மதிப்பு ரூ. 35,000 ஆகும். பங்குபெறும் அனைவருக்கும் சான்றிதழ்கள் வழங்கப்படும். போட்டிகள் லீக் முறையில் மொத்தம் 6 சுற்றுகளாக நடைபெறும்.போட்டியில் கலந்து கொள்ள விருப்பம் உள்ளவர்கள் வருகின்ற 20ம் தேதிக்குள் நுழைவுக்கட்டணமாக ரூபாய் 250 – ஐ செலுத்தி தங்களுடைய பெயர்களை பதிவு செய்து கொள்ள வேண்டும்.
மேலும் விபரங்களுக்கு 98658 83233 செல்போன் நம்பரை தொடர்புகொள்ளலாம். இத்தகவலை ஜே பி ஆனந்த் செஸ் அகாடமி செயலாளர் ஆனந்த் தெரிவித்துள்ளார்.
