நாமக்கல் மாவட்டத்தில், மேலும் 3 நாட்கள் மழை பெய்ய வாய்ப்புள்ளதாக வானிலை ஆய்வு மையம் தெரிவித்துள்ளது.
இது குறித்து, நாமக்கல் கால்நடை மருத்துவக்கல்லூரி வானிலை ஆய்வு மையம் வெளியிட்டுள்ள அறிக்கையில் கூறியுள்ளதாவது:
நாமக்கல் மாவட்டத்தில் கடந்த 3 நாட்களாக பரவலாக லேசானது முதல் மிதமான மழை பெய்துள்ளது. நாளை 14ம் தேதி 35 மி.மீ. மழை பெய்ய வாய்ப்பு உள்ளது. 15, 16ம் தேதிகளில் மழை பெய்ய வாய்ப்பில்லை. 17ம் தேதி 50 மி.மீ. மற்றும் 18ம் தேதி 35 மி.மீ. மழை பெய்ய வாய்ப்புள்ளது.
பகல் நேர வெப்பநிலை 25 முதல் 26 டிகிரி சென்டிகிரேட் வரை இருக்கும். இரவு நேர வெப்பநிலை 21 முதல் 22 டிகிரி செல்சியாக இருக்கும். வானம் மேக மூட்டத்துடன் காணப்படும். காற்றின் ஈரப்பதம் 90 முதல் 96 சதவீதம் வரை இருக்கும். கிழக்கு, தெற்கு மற்றும் வடகிழக்கு திசையில் இருக்கு மணிக்கு 10 முதல் 20 கி.மீ. வேகத்தில் காற்று வீசக்கூடும்.
கோழிப்பண்ணையாளர்களுக்கு: கடந்த வாரம் ஆய்வகத்தில், இறந்த கோழிகளை பரிசோதனை செய்ததில், கோழிகள் பெரும்பாலும் இறக்கை அழுகல் மற்றும் ரத்த சோகை நோயினால் இறந்துள்ளன.
எனவே பண்ணையாளர்கள் கோழிக்கு அளிக்கும் தீவனத்தில் நுன்னுயிர் கிருமிகளின் தாக்கம் உள்ளதாக என்பதை பரிசோதணை செய்து, அதற்கேற்ப தீவன மேலாண்மை முறைகளை கடைபிடிக்க வேண்டும் என தெரிவிக்கப்பட்டுள்ளது.
