நாமக்கல் :
நாமக்கல் மனவளக்கலை மன்ற அறக்கட்டளை நிர்வாக அறங்காவலராக ஓய்வுபெற்ற டிஇஓ உதயகுமார் பொறுப்பேற்றார்.
நாமக்கல் கோட்டையில், ஆஞ்சநேயர் கோயில் அருகில் உள்ள அறிவுத் திருக்கோயிலில், மனவளக்கலைமன்ற அறக்கட்டளை செயற்குழு கூட்டம் நடைபெற்றது. ஆழியாறு அறிவுத்திருக்கோயில் விரிவாக்க இயக்குனர் உழவன் தங்கவேலு தலைமை வகித்தார்.
நாமக்கல் அறிவுத்திருக்கோயிலில் மொத்தம் 526 அறங்காவலர்கள் உள்ளனர். கூட்டத்தில், முன்னாள் டிஇஓ டாக்டர் உதயகுமார், நாமக்கல் மனவளக்கலைமன்ற அறக்கட்டளை, நிர்வாக அறங்காவலராக தேர்வு செய்யப்பட்டு பொறுப்பேற்றார். மேலும் 10 புதிய அறங்காவலர்கள் பொறுப்பேற்றனர்.
நாமக்கல் அறிவுத்திருக்கோயில் சார்பில் யோகா கல்லூரி அமைக்கப்படும் என்றும், 2025ம் ஆண்டு உலக வேதாத்திரி ஆண்டாக கொண்டாடப்பட்டும் என்றும் கூட்டத்தில் தெரிவிக்கப்பட்டது. நாமக்கல் அறிவுத்திருக்கோயில் செயலாளர் சுப்பிரமணியன், ஆழியாறு அறிவுத்திருக்கோயில் அறங்காவலர் சேந்தமங்கலம் குரு, செல்வகுமார், நாமக்கல் அறிவுத்திருக்கோயில் ஆலோசகர் ஜானகிராமன், உள்ளிட்ட திரளான மனவளக்கலை மன்ற நிர்வாகிகள் கூட்டத்தில் கலந்துகொண்டனர்.
