திருவண்ணாமலையில் வருகிற 24-ஆம் தேதி தனியார் துறை வேலைவாய்ப்பு முகாம் நடைபெற உள்ளது என மாவட்ட ஆட்சியர் பாஸ்கர பாண்டியன் தெரிவித்துள்ளார்.
இது குறித்து அவர் வெளியிட்டுள்ள செய்தி குறிப்பில்;
தனியார் துறை நிறுவனங்களும் தனியார் துறையில் பணிபுரிய விருப்பமுள்ள அனைத்து வகை பதிவு தாரர்களுக்கும் நேரடியாக சந்திக்கும் வேலை வாய்ப்பு முகாம் இம்மாதம் 24ஆம் தேதி வெள்ளிக்கிழமை அன்று காலை 10 மணி முதல் மாலை இரண்டு மணி வரை திருவண்ணாமலை மாவட்ட வேலை வாய்ப்பு மற்றும் தொழில் நெறி வழிகாட்டு மைய வளாகத்தில் நடைபெற உள்ளது.
இந்த முகாமில் 30க்கும் மேற்பட்ட முன்னணி தனியார் நிறுவனங்கள் கலந்து கொண்டு 500க்கும் மேற்பட்ட பணி காலியிடங்களுக்கு தகுதியான நபர்களை தேர்வு செய்ய உள்ளனர்.
எட்டாம் வகுப்பு, பத்தாம் வகுப்பு, 12ஆம் வகுப்பு ,பட்டப்படிப்பு ,முழுநிலை பட்டப்படிப்பு ,பொறியியல் ,ஐடிஐ, பாலிடெக்னிக் தேர்ச்சி பெற்ற வேலைநாடுனர்கள் கலந்து கொண்டு பயன்பெறலாம் . முகாம் என்று தங்களுடைய பாஸ்போர்ட் சைஸ் புகைப்படம் ,ஆதார் அட்டை, ரேஷன் அட்டை, சாதி சான்று ,கல்வி தகுதி சான்றிதழ் நகலுடன் முகாமில் கலந்து கொள்ள வேண்டும்.
முகாமில் கலந்துகொள்ள விருப்பமுள்ளவர்கள் www.tnprivatejobs.tn.gov.in என்ற இணையதளம் முகவரியிலும் பதிவு செய்யலாம்.
மேலும் விபரங்களுக்கு 04175-233381 என்று மாவட்ட வேலை வாய்ப்பு அலுவலக தொலைபேசி எண்ணை தொடர்பு கொண்டு விபரங்களை பெற்றுக் கொள்ளலாம். எனவே திருவண்ணாமலை மாவட்டத்தை சார்ந்த இளைஞர்கள் இம்மு முகாமில் கலந்து கொண்டு பயன்பெறுமாறு கேட்டுக் கொள்ளப்படுகிறார்கள் என திருவண்ணாமலை மாவட்ட ஆட்சியர் பாஸ்கர பாண்டியன் வெளியிட்டுள்ள செய்தி குறித்து தெரிவித்துள்ளார்.
