காஞ்சிபுரம் அடுத்த முசரவாக்கம் கிராமத்தில் அடைஞ்சியம்மன், கோட்டை மாரியம்மன் கோவில் உள்ளது. இக்கோவிலில் ஆண்டுதோறும் தை மாதத்தில் மயிலார் திருவிழா விமரிசையாக நடைபெறும். அதன்படி, நடப்பு ஆண்டுக்கான விழா நேற்று முன்தினம் துவங்கியது.
முதல் நாள் உற்சவமான நேற்று முன்தினம் மாலை 4:00 மணிக்கு கோட்டை மாரியம்மனும், அடைஞ்சியம்மனும் மலர் அலங்காரத்தில் எழுந்தருளி, வீதியுலா வந்தனர்.
விழாவில், பக்தர்கள் தேர் இழுத்தல், வேல் குத்துதல் உள்ளிட்ட நேர்த்திக்கடன் செலுத்தினர். கோலாட்டம், புலியாட்டம், பொய்க்கால் குதிரை ஆட்டம், வேணுகோபால பஜனை குழுவினரின் பஜனை நடந்தது.
இரவு 7:00 மணிக்கு வானவேடிக்கையும், 8:00 மணிக்கு சுவாமி வீதியுலா நடந்தது. இரண்டாம் நாளான நேற்று காலை 9:30 மணிக்கு துரியோதன் படுகளம் நிகழ்ச்சி விமரிசையாக நடந்தது.
இதில், திரளான பக்தர்கள் பங்கேற்றனர்.
