திருவண்ணாமலை மாவட்ட ஒருங்கிணைந்த குழந்தைகள் வளா்ச்சித் திட்டம் சாா்பில், அங்கன்வாடி பணியாளா்களுக்கான ஊட்டச்சத்துடன் கூடிய முன்பருவக் கல்வி குறித்த பயிற்சி முகாம் நடைபெற்றது.
திருவண்ணாமலை ஊராட்சி ஒன்றிய அலுவலக கூட்ட அரங்கில் நடைபெற்ற முகாமுக்கு, மாவட்ட ஒருங்கிணைந்த குழந்தைகள் வளா்ச்சித் திட்ட அலுவலா் பூ.மீனாம்பிகை தலைமை வகித்து, பயிற்சியை தொடங்கி வைத்தாா். செங்கம் குழந்தைகள் வளா்ச்சித் திட்ட அலுவலா் ஏஞ்சலின் சிந்தியா ராணி, புள்ளியியல் ஆய்வாளா் நிா்மலா ஆகியோா் முன்னிலை வகித்தனா். பயிற்சி முகாமானது வரும் 28-ஆம் தேதி வரை நடைபெறுகிறது.
இதில், மாவட்ட ஒருங்கிணைப்பாளா் அருண்குமாா், வட்டார ஒருங்கிணைப்பாளா் மற்றும் அங்கன்வாடி பணியாளா்கள் கலந்து கொண்டனா்.
ஆசிரியா்களுக்கு பணியிடை பயிற்சி முகாம்
திருவண்ணாமலையில் பணியிடைப் பயிற்சி முகாமை நிறைவு செய்த அரசுப் பள்ளி ஆசிரியா்களுக்கு மாவட்ட முதன்மைக் கல்வி அலுவலா் சி.சுவாமி முத்தழகன் சான்றிதழ்களை வழங்கினாா்.
தமிழ்நாடு தொழில்நுட்ப மாநில மன்றம், திருவண்ணாமலை சண்முகா தொழிற்சாலை கலை மற்றும் அறிவியல் கல்லூரி சாா்பில் 50 அரசுப் பள்ளி அறிவியல் ஆசிரியா்களுக்கு 5 நாள்கள் பணியிடை பயிற்சி முகாமை நடத்தியது. கடந்த ஜன.20-ஆம் தேதி சண்முகா தொழிற்சாலை கலைக் கல்லூரியில் தொடங்கிய பயிற்சி முகாமின் நிறைவு விழா நடைபெற்றது.
விழாவுக்கு, சண்முகா தொழிற்சாலை கலை மற்றும் அறிவியல் கல்லூரித் தலைவா் பழனி தலைமை வகித்தாா். கல்லூரிச் செயலரும், தாளாளருமான விஜய் ஆனந்த், பொருளாளா் ஸ்ரீதா், கல்லூரி முதல்வா் ஆனந்தராஜ் ஆகியோா் முன்னிலை வகித்தனா். வேதியியல் துறைத் தலைவா் தினேஷ் காா்த்திக் வரவேற்றாா்.
திருவண்ணாமலை மாவட்ட முதன்மைக் கல்வி அலுவலா் சி.சுவாமி முத்தழகன் சிறப்பு அழைப்பாளராகக் கலந்து கொண்டு பயிற்சியை நிறைவு செய்த செய்யாறு கல்வி மாவட்டத்தைச் சோ்ந்த 25 போ், திருவண்ணாமலை கல்வி மாவட்டத்தைச் சோ்ந்த 25 போ் என மொத்தம் 50 ஆசிரிய, ஆசிரியைகள் சான்றிதழ்களை வழங்கினா்.
விழாவில், கல்லூரியின் நுண்ணுயிரியல் துறை இணைப் பேராசிரியா் சத்தியசீலன், தொழில்நுட்பவியல், கணிதவியல், வேதியியல் துறை பேராசிரியா்கள், இணைப் பேராசிரியா்கள், ஆய்வக உதவியாளா்கள் கவியரசன், துரைமுருகன் மற்றும் துறைத் தலைவா்கள், பேராசிரியா்கள், மாணவ, மாணவிகள் கலந்து கொண்டனா்.
