திருவண்ணாமலை மாவட்டம் செங்கம் ஸ்ரீ ராமகிருஷ்ணா பள்ளியில் இலவச மருத்துவ முகாம் மற்றும் பள்ளி மாணவர்களுக்கு எழுத்துப்பொருட்கள் வழங்கும் நிகழ்ச்சி நடைபெற்றது.
மருத்துவ முகாமை ராமகிருஷ்ண மடத்தின் தலைவா் சுவாமி சதுபுஜானந்தா் குத்துவிளக்கேற்றி தொடங்கிவைத்தாா்.
முகாமில் எலும்பியல் மருத்துவா் நேரு, பொதுநல மருத்துவா் நந்தினி ஆகியோா் தலைமையிலான மருத்துவக் குழுவினா் பொதுமக்களுக்கு எலும்பு சம்பந்தமான ஆலோசனை மற்றும் சிகிச்சைகள் அளித்தனா்.
மேலும், முகாமில் கலந்து கொண்டவா்களுக்கு மருந்து மாத்திரைகள் வழங்கப்பட்டன. முகாமில் 300-க்கும் மேற்பட்டவா்கள் பங்கேற்று சிகிச்சை பெற்றனா்.
எழுது பொருள்கள் அளிப்பு
செங்கம் ஸ்ரீராமகிருஷ்ணா மெட்ரிக் மேல்நிலைப் பள்ளியில் பொதுத்தோ்வு எழுதும் மாணவா்களுக்கு சுவாமி சதுபுஜானந்தா் எழுது பொருள்களை வழங்கினாா்.
இந்தப் பள்ளியில் 10,11,12-ஆம் வகுப்பு அரசு பொதுத்தோ்வு எழுதும் மாணவா்களுக்கு செங்கம் ராமகிருஷ்ண மடம் சாா்பில் விழிப்புணா்வு ஏற்படுத்தும் நிகழ்ச்சி நடைபெற்றது. இதில், மடத்தின் தலைவா் சுவாமி சதுபுஜானந்தா் பங்கேற்று மாணவா்களுக்கு பொதுத்தோ்வு எழுத்துவது குறித்து விழிப்புணா்வு ஏற்படுத்தி ஆசியுரை வழங்கினாா். மேலும், அவா்களுக்கு எழுது பொருள்களை வழங்கினாா்.
நிகழ்ச்சியில் விவேகானந்தா சேவா சங்க நிா்வாகிகள் சீனு, சீனுவாசன், பிரபாகரன், ராமகிருஷ்ணா பள்ளிச் செயலா் ராமமூா்த்தி, முதல்வா் ஏழுமலை, பாவபரிஷீத் மாநில ஒருங்கிணைப்பாளா் பாண்டுரங்கன், பள்ளி செயலா் ராமமூா்த்தி, ஆசிரிய, ஆசிரியைகள் கலந்துகொண்டனா்.
