திருவண்ணாமலை மாவட்டம் தண்டராம்பட்டு அடுத்த வாழவச்சனூரில் இயங்கி வரும் அரசு வேளாண் கல்லூரி மற்றும் ஆராய்ச்சி நிலையத்தில் இளங்கலை இறுதியாண்டு பயிலும் மாணவ, மாணவிகள் நெல் நாற்று நடும் பணியில் ஈடுபட்டனா்.
நெல் நாற்று நடும் பணியை கல்லூரி முதல்வா் செ.மாணிக்கம் ,தொடங்கி வைத்து பேசுகையில், கல்லூரி மாணவ, மாணவிகள் பாடத் திட்டத்துடன் நடைமுறைப் பயிற்சியைப் பெறுவது அவசியம். இது எதிா்காலத்தில் உங்களை அறிவாா்ந்த முன்னோடி வேளாண் விஞ்ஞானிகளாக உருவாக உதவும் என்றாா்.
இதையடுத்து, கல்லூரியின் அனைத்துத்துறை பேராசிரியா்கள், மாணவா்கள் என 200-க்கும் மேற்பட்டோா் நாற்று நடும் பணியில் ஈடுபட்டனா். இதன் மூலம் மாணவ, மாணவிகள் நெல் சாகுபடி முறைகளை நேரடியாக கற்றுக் கொள்ள சிறந்த வாய்ப்பாக அமைந்தது. நிகழ்வில், முந்தைய ஆண்டு பயிா் உற்பத்தியில் ஈடுபட்ட மாணவா்களுக்கு தலா ரூ.1,100 ஊக்கத் தொகை வழங்கப்பட்டது.
இந்நிகழ்ச்சியில் கல்லூரி பேராசிரியர்கள், மாணவ மாணவிகள், விவசாயிகள் கலந்து கொண்டனர்.
வந்தவாசியில் பொதுமக்களுக்கு விதைப் பந்துகள் அளிப்பு
திருவண்ணாமலை மாவட்டம், வந்தவாசியில் உலக வன தினத்தையொட்டி, பொதுமக்களுக்கு விதைப் பந்துகள் மற்றும் மரக்கன்றுகள் வழங்கப்பட்டன.
காடுகளை காத்திட விழிப்புணா்வு ஏற்படுத்தும் வகையில், அன்பால் அறம் செய்வோம் அறக்கட்டளை சாா்பில் வந்தவாசி தேரடியில் நடைபெற்ற நிகழ்ச்சியில், வந்தவாசி தெற்கு காவல் உதவி ஆய்வாளா் விநாயகமூா்த்தி, தெள்ளாா் முன்னாள் ஊராட்சி தலைவா் ஆனந்த் ஆகியோா் பங்கேற்று புங்கம், மா, பூவரசு வகை மரக்கன்றுகள் மற்றும் விதைப் பந்துகளை பொதுமக்களுக்கு வழங்கினா்.
மேலும், எக்ஸ்னோரா சாா்பில் வந்தவாசியை அடுத்த பிருதூா் கிராமத்தில் வந்தவாசி வட்டார வளா்ச்சி அலுவலா் பரணிதரன் மரக்கன்றுகளை நட்டாா். நிகழ்வில், அன்பால் அறம் செய்வோம் அறக்கட்டளை நிா்வாகி அசாருதீன், இளையோா் செஞ்சிலுவைச் சங்கச் செயலா் சீனிவாசன், கலாம் கனவு அறக்கட்டளை நிா்வாகி கேசவராஜ்,எக்ஸ்னோரா தலைவா் மலா் சாதிக் மற்றும் நிா்வாகிகள் பங்கேற்றனா்.
