திருவண்ணாமலை மாவட்ட ஆட்சியர் அலுவலக கூட்டரங்கில் அண்ணாமலையார் திருக்கோயில் சித்ரா பௌர்ணமி முன்னிட்டு மேற்கொள்ளப்பட வேண்டிய முன்னேற்பாடு பணிகள் குறித்து மாவட்ட ஆட்சியர் தா்ப்பகராஜ், தலைமையில் ஆய்வுக் கூட்டம் நடைபெற்றது.
திருவண்ணாமலை அண்ணாமலை யார் திருக்கோவிலுக்கு ஒவ்வொரு வருடமும் சித்ராபௌர்ணமி தினத்தன்று பல்வேறு மாநிலங்கள் மற்றும் பாவட்டங்களிலிருந்தும் பக்தர்கள் வருகைபுரிந்து கிரிவலம் சென்று வழிபடுகின்றனர் . சித்திரை மாதத்தில் வருகின்ற பெளர்ணமி மிகவும் விசேஷமாக அமைந்த்திருப்பதால் அன்றையதினம் பல இலட்சம் பக்தர்கள் வருகைபுரிந்து கிரிவலம் செல்கின்றனர்.
திருவண்ணாமலை அருணாசலேஸ்வரா் கோயில் சித்திரை பௌா்ணமி விழா மே 11-ஆம் தேதி இரவு 8.53 மணிக்குத் தொடங்கி மே 12-ஆம் தேதி இரவு 10.48 மணிக்கு நிறைவடைகிறது.
இந்த வருடமும் பல்வேறு நாடுகள், மாநிலங்கள்மற்றும் மாவட்டங்களில் இருந்து பொதுமக்கள்மற்றும் பக்தர்கள் பெருமளவில் வருவார்கள் என எதிர்பார்க்கப்படுகிறது. பக்தர்களுக்கு தேவையான அடிப்படை வசதிகளை மேற்கொள்ளும் பொருட்டு மாவட்ட நிர்வாகம் மற்றும் திருக்கோயில் நிர்வாகம் சார்பாக மேற்கொள்ள வேண்டிய பணிகள் குறித்து மாவட்ட ஆட்சித்தலைவர் தலைமையில் ஆய்வுக்கூட்டம் நடைபெற்றது.
ஆட்சியா் அலுவலக கூட்டரங்கில் நடைபெற்ற ஆய்வுக் கூட்டத்தில் ஆட்சியா் தா்ப்பகராஜ் தலைமை வகித்து பேசியதாவது:
கோடை காலத்தையொட்டி, பக்தா்கள் நடந்து செல்ல வசதியாக அனைத்து கோபுர நுழைவு வாயில்களிலிருந்து, நடைபாதைகளில் நிழல்பந்தல்கள், மேற்கூரையுடன் நகரும் இரும்பு தடுப்பாண்கள் மற்றும் தேங்காய்நாா் தரைவிரிப்புகளும் அமைக்கப்படும்.
கிரிவலப்பாதையில் பக்தா்களின் வசதிக்காக 3 இடங்களில் இளைப்பாறும் கூடங்கள் அமைக்கப்படும். கூடங்களில் இருபாலருக்கும் கட்டணமில்லா குளியல் அறைகள், கழிப்பறைகள் ஏற்பாடு செய்யப்படும்.
முக்கிய பிரமுகா்களின் பரிந்துரை கடிதங்கள் ரத்து
சுவாமி தரிசனம் செய்ய விரும்பும் பக்தா்கள் நலன்கருதி கட்டணமில்லா தரிசன சேவை வசதி ஏற்பாடு செய்யப்பட்டுள்ளது. பக்தா்கள் வழக்கம் போல கிழக்கு ராஜ கோபுரத்தின் உள்ளே அனுமதிக்கப்பட்டு, தரிசனம் முடிந்து, தெற்கு திருமஞ்சன கோபுரம் வழியே வெளியே செல்ல ஏற்பாடு செய்யப்படும்.
முதியவா்கள், கா்ப்பிணிகள், கைக்குழந்தையுடன் வரும் தாய்மாா்கள் சிரமமின்றி சுவாமி தரிசனம் செய்ய ராஜகோபுரத்தில் இருந்து வடக்கு 5-ஆம் பிரகாரத்தில் அனுமதிக்கப்பட்டு, வடக்கு அம்மணி அம்மன் கட்டை கோபுரம் வழியாக கிளிகோபுரம் உள்ளே உள்ள துலாபாரம் பகுதி வரிசை வழியாக (கியூ லைன்) சுவாமி தரிசனத்துக்கு ஏற்பாடு செய்யப்படும்.
மாற்றுத்திறனாளிகள் பேட்டரி காா் மூலம் மேற்கு பே கோபுரம் கட்டை கோபுரம் வரை அழைத்து வரப்பட்டு, வைகுந்த வாயில் வழியாக சுவாமி தரிசனம் செய்யப்படும். முக்கிய பிரமுகா்களின் பரிந்துரை கடிதங்களுக்கான அனுமதி ரத்து செய்யப்படும்.
பாதுகாப்பு கருதி பக்தா்கள் வரிசையில் வந்து தரிசனம் செய்யும் வகையில், திருமஞ்சன கோபுரம், பே கோபுரம் மற்றும் அம்மணி அம்மன் கோபுரம் ஆகிய இடங்களில் மேற்கூரையுடன் கூடிய நகரும் இரும்பு தடுப்பாண்கள் மூலம் தகுந்த வரிசை (கியூ லைன்) வசதிகள் செய்யப்பட்டுள்ளது.
பக்தா்கள் செல்லும் தரிசன வழி மற்றும் 6-ஆம் பிரகாரத்தின் திருமதில் வெளிப்புறம் தற்காலிக நிழல்பந்தல், தேங்காய் நாா் தரைவிரிப்பு மற்றும் குடிநீா் வசதி ஏற்பாடு செய்யப்படும்.
கோயில் உள்புறம் போதுமான நிரந்தர மற்றும் தற்காலிக குடிநீா் குழாய்கள் அமைக்கப்பட்டுள்ளன. நீா் மோா், பால், பிஸ்கட் மற்றும் குடிநீா் பாட்டில்கள் பக்தா்களுக்கு கோயில் மூலம் வழங்க ஏற்பாடு செய்யப்படும். கோயில் உள்புறம் 25 இடங்களில் சுத்திகரிக்கப்பட்ட குடிநீா் வசதிகள் செய்யப்படவுள்ளது. 10 இடங்களில் சுத்திகரிப்பு இயந்திரங்கள் பொருத்தப்பட்டு குடிநீா் வழங்கப்படும் என்றாா்.
மேலும், சித்திரை பௌா்ணமி தினத்தன்று கிரிவலப்பாதையை சுற்றி மருத்துவம் மற்றும் மக்கள் நல்வாழ்வுத்துறை சாா்பாக மருத்துவ முகாம்கள் அமைக்க வேண்டும். 108 அவரச கால ஊா்தியினை கோயில் வளாகத்திலும், வெளியேயும் மற்றும் கிரிவலப்பாதையிலும் தயாா் நிலையில் வைத்திருக்க வேண்டும், தடையின்றி மின்சாரம் வழங்க மின்வாரியம் தகுந்த நடவடிக்கை எடுக்க வேண்டும்.
தற்காலிக பேருந்து நிலையங்கள்
போதிய அளவிலான பேருந்துகளை இயக்க தமிழ்நாடு அரசுப் போக்குவரத்துக் கழகம் நடவடிக்கை எடுக்க வேண்டும். பக்தா்கள் எவ்வித இடையூறும் இல்லாமல் ஊா் திரும்ப தற்காலிக பேருந்து நிலையங்கள் குறித்த விவரங்களை தெரிவிக்க ஏற்பாடு செய்யவேண்டும்.
மாநகராட்சி நிா்வாகம் சாா்பாக தேவையான இடங்களில் குடிநீா், கழிப்பறை வசதிகளை தூய்மையாக பராமரிக்க வேண்டும், பக்தா்களுக்கு தேவையான பாதுகாப்பு வசதிகளை ஏற்படுத்த காவல்துறை நடவடிக்கை எடுக்க வேண்டும், மாவட்ட எஸ்பி அறிவுரையின்படி, பாதுகாப்பு கருதி தற்காலிக கண்காணிப்பு கேமராக்கள் தேவையான இடங்களில் அமைக்கப்படவுள்ளன. பக்தா்களுக்கு வழங்கப்படும் அன்னதானத்தின் தரம் குறித்து அவ்வப்போது ஆய்வு செய்ய வேண்டும் என்று ஆட்சியா் அதிகாரிகளுக்கு உத்தரவிட்டாா்.
கூட்டத்தில், மாவட்ட எஸ்பி எம்.சுதாகா், வருவாய் அலுவலா் இராம்பிரதீபன், செய்யாறு சாா் -ஆட்சியா் பல்லவி வா்மா, திருவண்ணாமலை மாநகராட்சி ஆணையா் காந்திராஜ் மற்றும் அரசுத் துறை அலுவலா்கள் பலா் கலந்து கொண்டனா்.
